Дунаемкӏэрэ

1. Дунаемкӏэрэ сигукъанэ

Къэсӏотэнкӏэрэ сэукӏытэри

Ащ, ныбжьэгъухэр, тэри шъори

Зигущыӏэ нафэхэр зижэм дэкӏыри.

Хэтым илажь, сыд фэдэ лажь,

Узэмдэӏужьыныгъэр зэкӏэм янахь лажь!

Шъхьакӏор хэлъэу лӏыгъэм пылъэу,

Зылӏы закъо тыфай, пэрыт тфэхъунэу!

2. Тихабзэ дышъэхэр зэкӏэми ашъхьэу,

Цӏыф шъхьафы лӏышъхьэхэм къафэнэжьай.

Тихабзэ дышъэхэр зэкӏэми ашъхьэу,

Цӏыф шъхьафы лӏышъхьэхэм тагъэунэхъуай.

Тхьар къытэуай, гум тыранай,

Зэхэшъошӏыкӏми тыкӏодыкӏай!

Лъэпкъыр макӏэу, зэкӏэкӏыгъэ закӏэу,

Шъхьадж ипакӏи хэзэрэхьэжьай,

Зэфищэсыжьын хэтым илъэкӏын?

Дунаишхом зызакъо къытемыкӏыжьын!

3. Ай, джы тимардж, зыгъэ закъом тэ тыщыкӏаи,

Йомэ мардж, ӏофы егъэжьагъэр зэкӏэ зэужэу, гум итынай!

Непэ нэуж, лъэпкъы лӏэуж

Шъуегугъун фай тэ тихэкужъ!

Пын тфэхъуаи

Шъхьакӏори кӏод, тыкӏодыкӏай,

Тигъашӏэр нэкӏэу дгъэшӏай,

Шъхъакӏори кӏод, тыкӏодыкӏай,

Тигъашӏэр тыужьэгъужьай,

Къиузэфыжьынкӏэрэ ти Тхьэ лъапӏэм

Телъэӏуи фаи, тилъэпкъ тхьэмыкӏ,

Атэжъ кӏэнэу тихэкужъыми

Лъэм тызэрихьэу тихьэжьыны фай!