Гъущӏыпсэ и уэрэд

ТЕКСТ ПЕСНИ:

Уей дуней, сэ сы-Гъущӏыпсэти,

Еууей, сыпсэемыблэжти,

Уей дуней, Къэрмэ зэшищмэ, сэрмахуэ, сыздывошажьэ.

Уей дуней, зекӏуэ фыщыкӏуэкӏэ,

Еууей, сэ сышу пэхутэт,

Уей дуней, къэвгъэзэжамэ, сэрмахуэ, сышуукӏэ къалэт.

Уей дуней, фи щӏакӏуэ фӏыцӏэри,

Еууей, уей, гъэджэрэзауэрэ,

Уей дуней, Къэрмэ зэшищмэ, сэрмахуэ, къыфкӏэлъесхьэкӏырт.

Уей дуней, фымэжэлӏамэ,

Еууей, сэ сыгъуэгу гъуэмылэт,

Уей дуней, зывгъэпсэхунумэ, сэрмахуэ, сывихъумакӏуэт.

Уей дуней, къалэм фынэсмэ,

Еууей, сывифэтэрт,

Уей дуней, фадэ фефэнумэ, сэрмахуэ, сэ сывиахъшэт.

Уей дуней, фызэрегъафэрэ,

Еууей, фэ фызэзэуэжрэ,

Уей дуней, судым фыздихьэмэ, сэрмахуэ, сывиуэчылт.

Уей дуней, фыкъисшыжауэ,

Еууей, фэ фыкъыщыкӏуэжым,

Уей дуней, Къэрмэхэ фи благъэм, сэрмахуэ, фэ фыныдохьэ.

Уей дуней, шыхэм фепсыхмэ,

Еууей, сэ сылъэрыгъӏыгъти,

Уей дуней, унэм фыщӏыхьэмэ, сэрмахуэ, сыщхьэгъырытт.

Уей дуней, ӏэнэр къагъэувмэ,

Еууей, сэ сывибгъуэщӏэсурэ,

Уей дуней, Къэрмэ зэшищри, сэрмахуэ, сэ фызогъафэ.

Уей дуней, джэгур яублэмэ,

Еууей, сэ сыджэгузэхэшэти,

Уей дуней, сыныкъуэкъафэу, сэрмахуэ, зыгуэр къызоджэ.

Уей дуней, а джэ макъ закъуэмэ,

Еууей, сэ сыныдыщӏэкӏмэ,

Уей дуней, сяпэмкӏэ сыплъэмэ, сэрмахуэ, фӏыцӏагъэжьыбэт.

Уей дуней, сяпэмкӏэ сыплъэмэ,

Еууей, уей, фӏыцӏагъэжьыбэти,

Уей дуней, сыкъеплъэкӏыжмэ, къамэ фӏыцӏэр къысхуагъэдалъэ.

Уей дуней, щӏылъэм сеплъыхмэ,

Еууей, сэ си кӏэтӏий тӏэкӏури,

Уей дуней, мы щӏы фӏыцӏэжьмэ, сэрмахуэ, щызэбгырожри.

Уей дуней, сыноӏэбыхри,

Еууей, сэ къызэщӏызокъуэри,

Уей дуней, си джэдыгукӏэми, сэрмахуэ, кӏуэцӏызолъхьэжи.

Уей дуней, сытхэр си хьэкъ зори,

Еууей, сэ си фоч зэтетри,

Уей дуней, Къэрмэ зэшищмэ, сэрмахуэ, тызоунащӏэ.

Уей дуней, Къэрмэ зэшитӏри,

Еууей, сэ изогъэхуэхри,

Уей дуней, я шынэхъыщӏэри хъыбарегъащӏэу соутӏыпщыжри.