Жэкӏэ тӏаркъу

ТЕКСТ ПЕСНИ:

Урыс пщышхоу жэкӏэ тӏаркъу,

Блэгъожъыгур зыкӏоцӏылъ,

Адыгэлъэу о ипшъугъэм

Блэщэджыблэу къыптефэн.

Тхьашхом упсэ хиутын,

Амин, амин хиутын!

Угу шӏуцӏэм бгъэм щышъугъэм

Шыблэщэжъыр къытефэн,

Къыпфэмыгърэр бгъэгушӏон.

Хьаджырэтэу шыу закъом ӏэкӏэшӏагъэм

Лӏыжъи, кӏали — лъэпкъыр зэкӏэ рыоукӏы,

Тэ егъашӏэм тыукӏакӏоу бэрэ оӏо,

Уиӏэшӏагъэ еплъи: лъэпкъкӏэ тыоукӏы.

Къали, чыли зэдэбгъакӏоу тыогъэсты,

Хьэдэ стыгъэм тыкъылъыхъоу шъофым тит тэ,

Адыгашъхьэр паӏоу пчэгъум пыогъэсы,

Тыпси, тыгуи, тибылыми о ттеохы.

Хым тфэмыхъоу о уикъохъумэ тыкъыхадзэ,

Хыдзэ-псыдзэм пцэшхо ӏусы тыкъыщэхъу,

Тисабыйхэр пчыпэ пакӏэм щызэрадзэх,

Хэбзэ зафэу пачъыхь хабзэр о къыпщэхъу.

Урыс пщышхоу жэкӏэ тӏаркъу,

Тхьэм и кӏуачӏэр къыптекӏон,

Тыгуи-тыпси лъэшэу къаргъу,

Насып лъагъор къытфэкӏон.