Сабий гъыбзэ

ТЕКСТ ПЕСНИ:

Сиӏакъым анэ гумащӏэ

Си щхьэфэм ӏэ къыдилъэну,

Сиӏами адэ сымыщӏэ

И лӏыгъэм сырипагэну.

Псоми къызжаӏэт си анэм

Сыцӏыкӏуу сыхыфӏидзауэ,

Зеиншэ хъуахэр щапӏыжым

Сыриту зигъэпщкӏужауэ.

Припев:

Ей, мамэ-мамэ,

Къедаӏуэт мы сэ си гъыбзэм.

Сыткӏэ сыкъуаншэ, къызжеӏэ,

Анэбгъэм уэ сыкъыщӏэпчу,

Уи гущхьэр къызэгуэмычу

Плъэкӏащи сыхыфӏэбдзэну,

Ар дауэ си гум техуэну?

Къыспэплъэр хэт къызжиӏэну?

Си гуауэр хэт хуэсӏуэтэну?

Анэкӏэ хъуну-тӏэ уеджэ

Бын хыфӏэзыдзэм апхуэду,

Гуӏэгъуэ нэпсым къыхину

Ежьэжу и гум къыхуидэу?

Гъыринэ сэ къысфӏащауэ

Цӏыху псори къысщыдыхьэшхыу,

Тхьэ яӏуэт сэ сфӏэмыкӏауэ

Хэт фӏадыгъуари, кӏуэдари.

Припев.

Зыгуэрым игу къысщӏэгъуамэ,

Сыщыгъкӏэ къысщхьэщыжамэ,

Си щхьэфэм ӏэ къыдилъамэ

Зесщэкӏырт къысфӏэщӏу си анэ.

Уэ пщӏэуэ пӏэрэ, си анэ,

Сэ нэпсым ситхьэлэжами,

Е си адэ — си анэм фи бампӏэм

Силӏыкӏыу сыщӏалъхьэжами?

Припев.