Мама (Мамэ, мамэ, уэ пхузотх макъамэ)

ТЕКСТ ПЕСНИ:

Пщэдджыжь дыгъэр псэм къыщедэхащӏэкӏэ

Анэм и ӏэфӏагъыр си гум къокӏ,

Мамэ, согумащӏэри, пхужысӏэфыр мащӏэми,

Тхьэм утхуигъэпсэу!

Мамэ, мамэ, уэ пхузотх макъамэ,

Анэ дыщэм и макъамэ.

Дэ ди щӏэблэр гъащӏэм хэзэгъами,

Мамэ, уэркӏэ ноби дысабийщ.

Мамэ, гугъу уехьами, уи щхьэр уэсу тхъуами,

Тхьэм утхуигъэпсэу!

Мамэ, мамэ, уэ пхузотх макъамэ,

Анэ дыщэм и макъамэ.

Быныр къэтмэ, мамэ, уогужьей,

Мамэ, жэщкӏэ уимыӏэххэ жей,

Си псэм и хъумакӏуэ, сэ си ущиякӏуэ,

Тхьэм утхуигъэпсэу!

Мамэ, мамэ, уэ пхузотх макъамэ,

Анэ дыщэм и макъамэ.

Укъыскӏэлъыдокӏри уэ, си мамэ,

Укъыскӏэлъоплъыжыр, мамэ,

Сыкъызоплъэкӏыжри, - сэ сыкъогумащӏэ -

Тхьэм утхуигъэпсэу!

Мамэ, мамэ, уэ пхузотх макъамэ,

Анэ дыщэм и макъамэ.

Мамэ, гугъу уехьами, уи щхьэр уэсу тхъуами,

Тхьэм утхуигъэпсэу!