Даутэ нэф

ТЕКСТ ПЕСНИ:

1. Дэе нанэри

Сэрэ-сарэм пэбгъэса,

Уисэраими

Тыгъэ хьажъур щэджэгу.

2. Уисэраими

Тыгъэ хьажъур щэджэгуа.

Уихэгъэгуми

Блэнэ ӏасэр щагъэхъуи.

А-ли-лаири

А-ли-лаер лилая

А-лилайхэр

Арба, Даутэ нэфи!

3. Уихэгъэгуми

Блэнэ ӏасэр щагъэхъуа.

Къуахьэр къекӏышъы

Уишыгъуабэр къырещи.

4. Къуахьэр къекӏышъы

Уишыгъуабэр къыреща.

Уищатырыхэр

Зэдыпэбгъоу огъаӏи.

5. Уищатырыхэр

Зэдыпэбгъоу огъаӏа.

Уздэӏэхымэ

Хъан ябзэшхор иочи.

6. Уздэӏэхымэ

Хъан ябзэшхор иоча.

Ищэ рачымэ

Шъэфы лӏыкӏор къагъакӏуи.

7. Ищэ рачымэ

Шъэфы лӏыкӏор къагъакӏуа.

- Къакӏор, - аӏошъы

Иӏулыджэр къыфашӏы.

8. - Къакӏор, - аӏошъы

Иӏулыджэр къыфашӏы.

Шӏагъор ошӏэшъы,

Уибзэ ныбэ пӏэ дэлъа.

9. Шӏагъор ошӏэшъы,

Уибзэ ныбэ пӏэ дэлъа

Уилъэрыгъыхэр

Огъу мазэу мэшӏэти.

10. Уилъэрыгъыхэр

Огъу мазэу мэшӏэта.

Зэпэшӏэтэуи

Си Аслъанри мэшэсы.

11. Зэпэшӏэтэуи

Си Аслъаныр мэшэса

Шыупэшэсышъы

Шӏэхы дэдэу зефапи.

12. Шыупэшэсышъы

Шӏэхы дэдэу зефапа

Енэпаошъы

Маф якӏэсыр къыдехи.

13. Енэпаошъы

Маф якӏэсыр къыдеха

Къыдэхьажьымэ

Си Аслъаныр пчъэӏушхуи.

14. Къыдэхьажьымэ

Си Аслъаныр пчъэӏушхуа

Уипчъэӏушхоми

Хъазынэшхор щагощи.

15. Уипчъэӏушхоми

Хъазынэшхор щагоща

Шэкӏы гощыми

Ипщэрахьыр егъэпшъ.

16. Шэкӏы гощыми

Ипщэрахьыр егъэпшъы

Лӏыхъусэшӏэхэри

Си Аслъаным ичати.

17. Лӏыхъусэшӏэхэри

Си Аслъаным ичата

Чатэр ештэшъы

Отэрыгуми лӏы ренэя.