Мерэм игъыбз

ТЕКСТ ПЕСНИ:

Мерэмым итхьамыкӏагъэ гущэхэр

А сигъыбзэм къызэлъеӏуати,

Синыбджэгъоу сызимыджагъо гущэхэр,

А сигъыбзэм шъузэлъежъыу.

Сэ скъошэу мы Тыгъурыгъу гущэми

Хьакӏитӏу мыгъор къысфещи,

Унэ нэкӏым садырищагъэ гущэшъы,

Тыгъурыгъур ебгъукӏожьыгъи.

Нэгъуцу гущэу Мыхьамчэрые гущэми

Гущаӏэхэр къызэрегъэкӏуи,

Хьадэгъалӏэ мыгъор егъакӏо гущэшъы,

Сызыукӏыщтэр къысфарегъащи,

Сызыукӏыщтэу къысфыращагъэ гущэми

Шконч мыгъор къэщагъэу,

Ыӏэдакъэ гущэми чӏэлъы гущэшъы,

Мы сапашъхьэ мыгъом къеуцуи.

Унэ гущэм зыщысэплъахьы гущэ шъхьай,

Икӏыпӏэри фэсымыгъоти,

Зы пчъэ закъо къыфэзгъотыщты гущэми

Сызыукӏыты мыгъори ӏут гущ.

Дэпкъы гущэм сыкӏэлъырыты шъхьай,

Дэпкъы мыгъор къысфыӏумыкӏ, сэ,

Казенэуи мы кӏэрэхъожъы гущэри

Лӏыхъужъэкъом къыстыреунакӏи.

Сэры гущэм сикӏыи макъэ гущэми,

Лау гущэр псынкӏэу къынэсы,

Гыны машӏоу сэ къыскӏэнагъэ гущэри

Лау гущэм къысфегъэкӏуаси.

Псынкӏэ гущэу сакъыӏэкӏэкӏы гущэшъы,

Сянэ дэжьы сэ сыкъэсыжьы.

Лъыпсы гущэр сэ къысэчъэхы гущэуи,

Сянэ ыбгъэ зыкъычӏэсэдзи.

Лъыпсы гущэр сэ къысилъэкӏэхы гущэзэ,

Уӏагъэхэр сянэ къелъэгъу,

Сызылъэгъурэр зэхэзгъэпахьы гущэуи

А чӏапӏэми сыщызэхафи.

Сянэ гущэу тхьар зэожьыгъэ гущэми

Ыбгъашъо гущэр къыречы,

Зынэкӏушъхьэ хэзычыжьыпэ гущэрэр

Ар Тыжьыны гущэу тхьамыкӏи:

Чылэ гущэу сызыхэкӏыгъэ гущэмэ

Ар хьадэмафэ гущэу сафэхъуи.

Мыхъункӏэ сауж итыгъэ гущэми

Алахьэр къафэсэгъази.

Алтэсы гущэу бэнтехъо плъыжьыр

Батмызэм сфызэрегъафа,

Рахь мыгъо, сэ синыбджэгъу гущэмэ

Гъымакъэми зырагъэӏати.