1.
Сипкӏэшъэ тхьапэуи насыпы жъуагъу
Сыгум ипкӏагъэуи зы нэхэр нагъу
Пцӏэшхъокӏэ тамэуи нэпцэ гъэщыгъ
Шӏулъэгъу закъоуи укъахэсщыгъ
Припев:
Синагъу, сыгу илъагъу
Орэдым дахэуи ухэслъэгъуагъ
Гъэтхэпэ тыгъэуи укъысфэкӏуагъ
Дышъэпсэу сыгуми укъитэкъуагъ
2.
Гукӏэгъу шъабэуи сэ сидунай
Дэнэгъо шъхьацыми укъегъэбай
Шӏулъэгъу шъэфыри мэшӏолыгъай
Укъымыстынэуи сыд икъолай
3.
Гупшысэ шъабэуи сэ сигукӏай
Нэплъэгъу закъоуи, сэ сызыфай
Псэогъу пшъашъэри къыхэхыгъуай
Шӏулъэгъу шъыпкъэри щыгъупшэгъуай.