Адыгэ хэку (Тенджызым адэкӏэ пшынэр къыщоӏурэ)

ТЕКСТ ПЕСНИ:

Щикъухьащ адыгэр къэрал куэдым,

Яфыщӏащ жыг уардэр щысхь имыӏэу.

Нэхъ къащтат лъэпкъкӏуэдыр дэ къытхуэкӏуэм,

Бзэи хабзи — псори хэкӏуэдэжу.

Зы зэманкӏэ узэӏэбэкӏыжым

Щӏы ӏэмыщӏэр и хъуржыным илъу

Ибгынат Хэкужьыр ди нэхъыжьым

Пичми и гур, лъагъуныгъэр изу.

Тенджызым адэкӏэ пшынэр къыщоӏурэ

Пшыналъэ дахэри си деж къоӏус,

Къысхуобзэрабзэри си гум зыдещӏ,

Лъэпкъым и тхыдэри, хабзэри къафэм къыхощ.

Толъкъун хъыринэурэ мэкъамэр йощӏэрэ

Си щӏылъэ анэми сыногупсыс,

Сынодэхащӏэри сыпхуогумэщӏ,

Фӏылъагъуныгъэми уэрэдыр сэ сегъэус.

Припев:

Си псэм щызгъафӏэурэ мы си гум хэлъ,

Дыгъэ нэбзийурэ мы щӏыгум щепс,

Уэ си лъэпкъ щыпкъэр узигухэлъщ,

Уэ дыгъэпс гуапэурэ си деж къыщепс.

Си псэм щызгъафӏэурэ мы си гум хэлъ,

Дыгъэ нэбзийурэ мы щӏыгум щепс,

Уэ си лъэпкъ щыпкъэр си псэм ухэлъщ,

Уэ дыгъэпс гуапэурэ си гум и къуэпс.

Уэсыр къытелъми бгым пшэ ӏэрамэурэ

Сэ ӏуащхьэмахуэ къызохуэбэкӏ.

Щыгур мылылъэми лъэр нызохус,

Адрыщӏ сэламыри лъапӏэурэ лъэпкъым изох.

Псэр щыпхуэзэшкӏэрэ уэ узиплъапӏэурэ

Пшагъуэр токӏуэтыри дыгъэр къыкъуокӏ,

Жэщкӏэрэ мазэри вагъуэм хосыхь,

Си лъагъуныгъэри гущӏэм хамэщӏ къыщызох.

Припев.

Фӏыуэ слъагъу лъахэурэ адэжь щӏыналъэмэ

Си гур ныпхуеӏэурэ си гъащӏэр сохь.

Адыгэ хасэу лъэпкъым и лӏыкӏуэм

Псэхэр зэпищӏэурэ си гугъэр къысхуегъэнэху.

Жэнэт къысщыхъуурэ дуней дэхащэмэ

Дыгъэри мазэри къысхуещӏыр тыхь,

Зы насып вагъуи сэ къысхудокӏуэ —

Гурыщӏэ къабзэми и фӏыгъуэр сэ согъэунэху.

Припев.