Си Къэсэй

ТЕКСТ ПЕСНИ:

О уишыгъо цӏыкӏу гущэр

Зэрэ нэтӏэ гъунджэр.

Гъунджэм тызэдиплъэзэрэ

Шӏу зысэбгъэлъэгъуи,

Сыбгъэунэхъугъи си Къэсэй.

Къалэм дэсы кӏалэхэми

Гъэзетыр хауты.

Сянэ къылъфыгъищы гущэм

Скӏышъораутыгъэ,

Хэмыкӏокӏэжьыни гущэ сэ.

Тыгъужъы Якъубэ гущэм

Пчыхьэм джэгур къешӏ.

Си Къэсэир къытыращи

Къызыщырагъашӏэм

Сыкъызэхэфагъэ гущи сэ.

Унэми сыращы гущэ

Хьакӏэщым сащэжь.

Ер сызыфащэжьы гущэр

Мыстхъэ пхъэтэкъэжъы

Пӏэкӏорыгум исы гущэ сэ.

Си дэнэ шарыфы гущэр

Пшъэми къесэщэкӏ.

Гум имылъы ӏаплӏы гущэр

Рысагъэщэкӏыгъэ,

Аджалэ сфэхъугъэ гущэ сэ.

Си насыпыр къыхьырэми

Былымым егъот.

Сэркӏэ шъо жъугъотыгъэ гущэу

Сомэ тыжьын шъищыр

Хьадэӏусы шъошӏы гущи шъо.