Гъыщмэ ячэтыужъ

ТЕКСТ ПЕСНИ:

О-хьэ-хьайкӏи хьамыржъэкъу,

Хьамыржъэкъомэ янахьыжъ,

Ишкончыжъ ерэжъыу.

Стамбыл Шэуджэн

Шэкӏоныр къызхафэм

Лэучэцӏэу зэхэзыхыгъэмэ

Шъхьандэхэм зыкъуадзэжьыгъ.

Лэулэшъэныр къыздрихьыжьи,

Хьадэӏусыр къыдрекӏуи,

Зырызыгъэ къыхафи,

Зы шъотабжъэ къашӏуришъуи

Къежьэжьи, къэкӏожь пэтзэ,

Шӏуцӏэгъакӏэ горэ ылъэгъугъ

Орыжъыбгъур ыцӏэу.

Макъэ ришъи,

Орыжъыбгъур къыригъэшъи,

Чъыгыжъае дигъэчъаи,

Ылъакъокӏэ кӏаӏи

Кӏиутэу хигъэфагъ.

Нэтыжъые фэдэу ыӏуи

Ыӏибы къыриупцӏэкӏи, къежьэжьи,

Къэкӏожь пэтгозэ,

Хьатыхъущыкъо къыӏукӏагъ.

– Сыд мы къэпхьырэр, шъыу? – риӏуагъ.

– Мэзчэтыуба, шъыу, – ыӏуагъ.

– Уятэпс, – ыӏуагъ, – мэзчэтыумэ ар,

Гъыщмэ ячэтыужъ нахь.

– Алахьэми сырихьакӏ,

Цӏыфыми сырякӏас,

Чэтыу лъэуаси сфэшъутыжьи,

Фитэу хэгъэгум сыкъижъугъэнэжь, – ыӏуагъ.

– Алахьэми урихьакӏ,

Цӏыфыми урякӏас,

Чэтыу лъэуаси фэттыни,

Хэгъэгуми фитэу укъидгъэнэжьын, – аӏо пэтгозэ,

Апшӏэдэрэ пэтынха?

Гъыщхэр къэсыгъэх.

Кӏакор аубгъуи,

Бгъурыбгъуиплӏыкӏэ къетӏысэкӏхи,

Сомэ шъибгъукӏэ паупкӏыгъ.

– Гъыщым ыгъотмэ ерэхь, – аӏуагъ, –

Ымыхьмэ тихьэрам.

– Алахьэу мы зытхылъ сыфэмый,

Сихьэдашъхьэ сыфай.

Зыукӏыгъэм ышъхьэкӏэ сыфай нахь.

Адэ зы Абыдэ кӏалэ горэ щысти,

Непэ Абыдэмэ тызыбжъакъу,

Тыбжъэкъозэш,

Тищыгъу-пӏастэ зы.

Бэу зиӏэм бэу икӏуачӏ,

Макӏэу зиӏэм макӏэу икӏуачӏ

Сэ сикӏуачӏэр ар зы.

Непэ зы пшъэшъэ щыс горэ сиӏэти,

Зы хэхэс горэм естыгъ, – ыӏуагъ.

Зы пкӏэгъолэжъ къыситыгъ,

Сомэ шъибгъу икъугъ.

Ар зы Абыдэм къышъосэты, – ыӏуагъ.

Гъыщым ыгъотмэ ерэхьи,

Ымыхьмэ тихьэрам.

Алахьэу мы зытхылъ сыфэмый,

Сихьэдашъхьэ сыфай

Зыукӏыгъэм ышъхьэкӏэ сыфай нахь.

Ади зы Абыдэ кӏалэ щысти,

– Абыдэмэ тызыбжъакъу,

Тыбжъэкъозэш,

Тищыгъу-пӏастэ зы.

Бэу зиӏэм бэу икӏуачӏ,

Макӏэу зиӏэм макӏэу икӏуачӏ,

Сэ сикӏуачӏэр ар зы.

Непэ зы нэбгырэибын сиӏ

Сянэ-сятэм згъэкӏодынэу къысамыӏуагъэу

Згъэкӏодын сыгу хэмылъыгъэу сиӏэзы,

Абыдэм къышъосэты, – ыӏуагъ.

– Гъыщым ыгъотмэ ерэхь,

Ымыхьмэ тихьэрам.

– Алахьэу мы зытхылъ сыфэмый,

Зыукӏыгъэм ышъхьэкӏэ сыфае нахь.

Адэ зы Абыдэ кӏалэ горэ щысти къэгубжи,

– Сыд къэхъугъэр шъыу!

Аукӏыгъэмэ аукӏыгъэр зы чэтыужъ,

Зыукӏыгъэмэ зыукӏыгъэр тикӏалэ.

Неущ алахьэр зымыгъэпцӏырэр

Къырсэикъо ихьакӏэщ къерэкӏуалӏ

Шъуигынжъыехэр къыдэшъуути,

Шъуишыныбэпхыхэр къыкӏэшъуфарзи,

Жьыбгъэ фарзэ фэдэу,

Итӏонэрэ пчэдыжьым

Ягынжъыехэр къыдаути,

Яшыныбэпхыхэр къыкӏафарзи,

Жьыбгъэ фарзэ фэдэу къызекӏуалӏэхэм,

Зы тутын бэжьакӏэ нахь аратыжьыгъэп.