NOIZ ARTE eta NORAINO

Salbuespen bakan batzuk kenduta, gainerako kasu guztietan,

DENBORA adierazteko hobe da NOIZ ARTE erabiltzea,

eta LEKUA adierazteko NORAINO.

Denbora

IgandeRA ARTE egongo naiz.

Ordu bata ARTE egon nintzen zain.

Lekua

Jonen etxeRAINO joan naiz.

HerriRAINO jaitsi nintzen lagunetara.

Hala ere, batzuetan gurutzaketak suertatzen dira. Har dezagun, esate baterako, esaldi hau:

DonostiaRA ARTE ez da autobusa geldituko.

Lehen itxuran esaldi traketsa dela ematen du, baina ondo dago horrela interpretatzen bada: “autobusa ez dela geldituko Donostiara iristen den arte”.

Ariketa orokor bat egingo dugu Euskaltzaindiaren arauen inguruan:

Arauak orokorrean; ariketak (7):

http://www.euskaljakintza.com/ariketak/arauak/orokorrak_7.html

Pasartea

Etxe bat erosteko puntu-puntuan nagoela jabetu naiz bat-batean, eta horrekin batera urte batzuez banku bati lotuta egongo naizela, horrek esan nahi baitu lan bati lotuta, eta orain arte erraz egin dudanak hotzikara sortu dit bizkarretik behera. Nola sartu naiz ni hemen? Arnasa estutu zait, eta zorabio puntua ere nabari dut, eskua instintuz bihotzera eraman dut gogor estutuz, eta, bihotzeko baten ideia uxatzearren, kafeari bota diot errua, gehiegi azeleratu ote nauen-edo.

Nola heldu naiz ni honaino

Kattalin Miner