BIZTANLEAK

BIZTANLEGOA / BIZTANLERIA / BIZTANLEAK

Har dezagun "biztanle" hitza, eta hiru modutara jarri, multzoa adierazteko: "biztanlegoa", "biztanleria" eta "biztanleak". Zeinek adierazten ote du egokien multzoaren ideia?

Egokiena plurala erabiltzea litzateke: "biztanleak". Kontuz ibili behar da "-go" atzizkiarekin, beti bi adiera nagusi izan ditu eta: batetik, ofizioa ("artzaingoa", adibidez) eta, bestetik, nolakotasuna (esate baterako, "euskaldungoa"; euskalduntasunaren parekoa litzateke).

Zer gertatzen da? Azken urteotan beste balio bat eman diogula "-go" atzizkiari, eta adibiderik onena *"biztanlego" hitzan daukagu.

Alegia, multzoa adierazi nahirik ofizioa edo "-tasun"-a adierazten duen "-go" atzizkia erabiltzen hasi garela.

Horixe bera. "Biztanlego", adibidez, tradizioaren arabera, ulertezina da. Multzoa edo plurala adierazi nahi bada, askoz ere egokiagoa da "-eria" atzizkia; hau da, "biztanleria", eta ez "biztanlegoa". Baina, kontuz!; konponbidea ez da "-go" atzizkia dagoen lekuan, besterik gabe, "-eria" atzizkia jartzea, baizik eta, normalean, plurala erabiltzea.

Beraz, ez dugu esango "herri honetako biztanlegoa", baizik eta...

"Herri honetako biztanleak".

+ "Biztanleak", "biztanleria"

-* "Biztanlegoa"

BIDEOA

Norbaiti ulertzen duen hizkera batean

hitz egiten badiozu

bere burura doa, baina

bere hizkuntzan hitz egiten badiozu

bere bihotzera doa.

Kulturak bilakatzen du

gizaki bat pertsona,

eta hizkuntza da aldi berean

kulturaren agerpen pertsonalena.

Herri batek bere hizkuntza

maitatzen duen bitartean

bere askatasunaren zeinuak

gordetzen ditu.

Bideo honetatik jaso ditut aurrekoak:

Nire eguneroko hautua

Urtero Kontseiluak antolatzen duen "Euskaraz Bizi Nahi Dut" film labur lehiaketaren 2015eko edizioan, amateurren ataleko irabazlea.

Egilea:

Mattin Zeberio