“-gatik” deklinabide-atzizkia behar ez denetan erabiltzen da batzuetan, erdararen eraginez. Ezin da esan “*askoagatik irabazi zuen” edo “*gutxiagatik galdu zuen”. Horren ordez: “alde handiaz” edo “alde txikiaz”. Ez “*bi tantoagatik” baizik eta “bi tantoz”

Iturria: Egunkaria-3, 32. or.

Maiz, gaztelaniaren eraginez, NORENGATIK kasua erabili ohi da kausa ez beste nozio batzuk adierazteko: salneurria, trukaketa, eta abar.

Merke erosi du:* mila eurogatik.

Merke erosi du: mila euroan.

*Amatasunagatiko baja hartu du.

Amatasun -baja hartu du.

Kromo hau beste *horrengatik aldatuko didazu?

Kromo horren truke hau hartuko didazu?

Zuk ez baduzu nahi, ni *zuregatik joango naiz.

Zuk nahi ez baduzu, ni zure ordez joango naiz

Ariketa gehiago HEMEN

Iritzia

“Euskara apenas ez da mugitzen, ez da gauza berri gehiegi sortzen; beldur diogu zuzentasun ezari eta oraindik ere euskara kultu horren ajeak garabiltza. Euskara kolpatu eta zikindu behar dugu.”

Txuma Murugarren

Eta horri lotuta…Igor Elortzak dioena Ur Handitan programan:

• http://www.eitb.eus/eu/telebista/programak/ur-handitan/