Okerrak: *irtetzen, *irtetzea, *irtetzeko…

Esaldi hauek ez dira zuzenak:

• *Lau eta erdietan irtetzen gara eskolatik.
• *Kostako zaigu krisialdi honetatik irtetzea.
• *Kalera irtetzeko deia egin dute gizarte eragileek.

Honela behar dute zuzenak izateko:

• Lau eta erdietan irteten gara eskolatik.
• Kostako zaigu krisialdi honetatik irtetea.
• Kalera irteteko deia egin dute gizarte eragileek.

Euskaltzaindiaren Hiztegi Batuan kontsultatuta, sarrera hau dator:

irten, irten, irteten. da ad.

Hortaz, hauek dira forma zuzenak: irteten, irtetea, irteteak, irteteko, irtetearen, irteteaz, irtetera, irtetetik…

Antzeko akatsak direnez, ikus blog honetan bertan argitaratutako beste bi sarrera hauek:

• Okerrak: *ekiditzen, *ekiditzea, *ekiditzeko…
• Okerrak: *etentzen, *etentzea, *etentzeko…

Esaldi hauek ez dira zuzenak:

• *Saiatzen gara arazoak ekiditzen, baina ez dugu beti lortzen.
• *Suteak ekiditzeko hainbat gomendio eman dituzte.
• *Gure esku omen dago zenbait arrisku ekiditzea.

Honela behar dute zuzenak izateko:

• Saiatzen gara arazoak ekiditen, baina ez dugu beti lortzen.
• Suteak ekiditeko hainbat gomendio eman dituzte.
• Gure esku omen dago zenbait arrisku ekiditea.