Aditz laguntzailearen forma okerrak

Forma batzuk analogiaz sortuak direla esan daiteke, orainaldiko formak imitatuz (adibidez, didazu > *zidazun).

Beste batzuetan euskalkietan erabiltzen dira (adibidez, *zenuteke, zenuketeren ordez.

Gogoratu: horrelako aditzetan -TEk, pluralari badagokio, beti -KEren ondoren agertu behar du.

Zuk atzo ez *zidazun azalpenik eman. Zuk atzo ez zenidan azalpenik eman.

Hau da zuk utzi *zenidazuna Hau da zuk utzi zenidana.

Adibide gehiago, hemen

POESIA

Gosari aztarnak

Ez dira domeketako pagak,

ez dira marrazki bizidunak,

parkeko jolasak

edo benetako lagunak

faltan botatzen ditudanak.

Ez dira uretan egindako dzangak,

futboleko izerdiak,

amaigabeko udak.

Ez dira gurin zaporezko meriendak,

esnetan bustitako gailetak

faltan nabaritu ditudanak.

Goizero

nire ezpainetako gosari aztarnak

txistuaz bustitako zapiarekin

garbituko dituen norbait

oraindik badela jakitea da

benetan falta zaidana.

Karmele Jaio

Orain hilak ditugu