ANITZ

ANITZ

Gizarte anitza zuzena da euskaraz, sociedad plural esateko?

EZ DA ZUZENA

Jende anitz zera da: jende asko.

Jende anitza ez da ezer. Gizarte anitza ere ez da ezer.

Hiztegi Batuak horrela jasotzen du:

anitz

1 zenbtz.: jende anitz etorri da; anitz jende etorri da; anitz urtez (zorionak, urte askotarako).

2 (*industria anitza e. askotariko industria)

anitzetan adlag. 'askotan'

anitzez

1 adlag.: anitzez jakintsuago bilakatuko zara.

2 adlag.: bere egunak anitzez laburtzen dituztenak.

Euskaltzaindiaren hiztegian eta Euskal Hiztegian ohartu dira erabilera oker horretaz, eta gomendio gisa hauxe diote:

“Euskaltzaindiak, anitzek euskara idatzian izenondo gisa izan duen erabilera

kontuan harturik, hitz hori izenondo gisa ez erabiltzea gomendatzen du,

eta industria anitza eta kidekoen ordez askotariko industria eta kidekoak erabiltzea”.

ANITZA ez da PLURALAren euskarazko ordaina.

ASKOTARIKOA, DENETARIKOA, PLURALA… adiera horretatik hurbilago daude.

Itzulpen- eta berrikusketa-irizpideak IZO (moldatua).

IPUINA

Liburua

Behin amak

azokara eraman ninduen.

Han txito bat erosi zidan.

Txitoa kartoizko kutxa

batean zetorren.

Amak nire eskuetan

jarri zuen kutxa.

Senti nezakeen

nire esku-ahurretan

txitoaren hanka txikiak.

Liburua horixe da:

kartoizko kutxa bat

barruan zerbait bizia duena

Kirmen Uribe

MUSIKA

Beira - Nire buru hari