ARIKETAK

Bikote bakoitzetik bat aukeratu:

1. Horrek Perurenak besteKO indarra dauka.
2. Horrek Perurenak beste indar dauka.

3. Eskolako liburuak BESTERIK ez dut ekarri.

4. Eskolako liburuak BESTERIK ez ditut ekarri.

5. Zurekin BESTERIK ez du nahi.

6. Zurekin BAINO/BAIZIK ez du nahi.

7. NORBERAK BERE etxean nahi duena egin lezake.

8. NORK BERE etxean nahi duena egin lezake.

Erantzun zuzenak: 1,3,6,8

ARTIKULUA

Nolanahi ere, euri jasa itzela zen eta presoak baino ez ziren ikusten patioan, harlauza bustian biluzik eta mela-mela eginda. Isiltasun hits batek ordezkatu zituen harrokeria zaratatsuak. Dardaraz zeuden, hortzak karraskan, hankak argalduak, belaunburuek talka egiten zietela; gupidagarria zen soin urdinduan alkandora bustiak, galtzak eta txaketa euriz blaituak janzten ikustea. Askoz hobea izango zen biluztasuna.

Victor Hugo, “Kondenatu baten azken eguna”