neurriak

ERABILERA OKERRAK

Litro bat esne ala esne litro bat?

Lehenengo, neurria jartzen da; gero materialaren izena:

Kilo bat patata

Bost litro esne

Ipini kilo erdiko txuleta!

Bi metro luze da ala bi metro neurtzen ditu?

Lehenengo moldea hobetsi du Euskaltzaindiak. Beraz, neurtu aditza saihestea komeni da.

Soka hori bost metro luze da / Soka horrek bost metroko luzera dauka *Soka horrek bost metro neurtzen ditu.

Hiru metro zabal da kamioia / Hiru metroko zabalera dauka kamioak / *Kamioak hiru metro neurtzen ditu zabalean.

Baso bat ur ala ur baso bat?

Baso bat ur = edukiaz, uraz ari gara (ura)

Ur-baso bat = ontziaz ari gara (basoa) Gidoiak laguntzen digu ulertzen basoaz ari garela

Hiru zaku patata = edukiaz, patataz ari gara

Hiru patata-zaku = ontziaz, zakuaz ari gara . Gidoiak laguntzen digu ulertzen zakuaz ari garela.

Euskaltzaindiaren arauak errepasatzeko ariketa orokorrak, HEMEN

Poesia

ISILTASUNA

Lau urtez egon nintzen maiteminduta.

Institutura sartu nintzenetik

atera arte,

maiteminduta egon nintzen

neska hari

ezer esaten ausartu gabe

Epe hura bukatzera zihoan, ordea.

Ikasketa unibertsitarioak

hiri ezberdinetan

egin behar genituen.

Bukaera eman behar izan nion

lau urteko maitemin gozoari,

maitemin neureari.

Ni ere maitemindu nintzen

lehengo urtean,

erantzun zidan.

Maiteminduta egon nintzen

mutil hari, zuri,

ezer esaten ausartu gabe.

Orain berandu zen esan zidanez,

hoztu egin zitzaion

nik zapi berotan gorde nuen lilura hura.

NORK ESAN ZUEN,

ZEIN SASIKUME ZAPUTZEK

ISILTASUNA HIZKUNTZA BAT

DELA?

Pako Aristi.

Argazkia