NAHIKO(A)

Bi eratara erabil daiteke:

- Artikulurik gabe: NAHIKO lan eman digu horrek.

- Artikuluarekin: NAHIKOA lan eman digu horrek.

Izenaren aurrean edo atzean koka dezakegu,

- NAHIKO(A) ardo_ edan dugu gaurkoz.

- ArdoA NAHIKO(A) edan dugu gaurkoz.

hala ere, badirudi ezezkoetan atzean (eta partitiboan _RIK) erabiltzeko joera dagoela: - Ez dago ur NAHIKORIK guztiontzat.

Ikus daitekeenez, nahiko nahasia da zenbatzaile honen erabilera.

ASKI

NAHIKOren antzekoa da esangura aldetik .

Kokagunerari dagokionez, aurrean zein atzean joan daiteke.

- Badira arrazoi ASKI hori ez onartzeko.

- ASKI etxe handia zen guk erosi genuena.

Bakarrik ere erabiltzen da adberbio gisa:

- Beno, ASKI da! Kokoteraino naukazue!

IPUINA

Giltza aurkitzea

Inoiz gertatu zait giltzarik ez izatea, ireki nahi nuen zerbait ireki ahal izateko.

Orain giltza badaukat, eta ez dut zer ireki.

J. Sarrionaindia. [Hitzen Ondoeza]