NOIZ ARTE

otsaileRA ARTE? / otsail_ ARTE? / otsailA ARTE?

Euskaltzaindiak ez du ezer hobetsi edo arautu gai honetaz, baina hauek dira gehien erabiltzen diren moldeak:

Ø Hilabeteen izenak, asteko egunak eta mende hitza:

· <Ø arte> moldea tradizioduna da eta Iparraldean aski erabilia:

otsail_ ARTE, igande_ ARTE

· Hegoaldean gehien erabiltzen den moldea <-ra arte> da:

otsaileRA ARTE, igandeRA ARTE, eta horixe gomendatzen da, gainera, zenbait estilo-liburutan;

<-a arte> moldea ere erabiltzen da: otsailA ARTE, igandeA ARTE

Beti dira okerrak loturik emandakoak: *iganderarte, *menderarte, *urterarte...

Ø Orduekin-eta, mugatua nahitaezkoa da:

eguerdiko 12AK ARTE; hamabietatik ordu batA ARTE; lauretatik bostAK ARTE; sanferminAK ARTE; maiatzaren azken egunAK ARTE; GabonAK ARTE

Ø Nolanahi ere, minutuekin, NOR kasuan, <Ø arte> edo <-ra arte> egiturak dira erabiltzekoak:

12:05 arte, 12:05era arte [hamabiak eta bost arte / hamabiak eta bostera arte]; *12:05a arte [*hamabiak eta bosta arte].

12:15 arte, 12:15era arte [hamabi(ak) eta laurden(ak) arte, hamabiak eta hamabost arte, hamabiak eta hamabostera arte; *12:15a arte]. (→ data nola eman)

Ø Datekin eta orduekin ARTE postposizioak egiten duen funtzioa BITARTE adberbioak ere egiten du hainbatetan; hura bezala moldatzen da:

otsail/otsaila/otsailera bitarte(an);

2017/2017a/2017ra bitarte(an),

lauretatik bostak bitartean [egon], etab.

Euskaltzaindia (moldatua)

Mikroipuina

Maitasun sorra

Maitasunagatik, bestearen hizkuntza ikasi zuen. Ikasitakoan, elkarri hitz egiteari utzi zioten.

Ixenbako

Euskaraldian Lakuan egindako mikroipuin-lehiaketa