ERDIA/ERDIAK

ERDIA eta ERDIAK

Objektu baten erdia adierazteko, singularra erabiltzen dugu: sagar erdiA, litro erdiA, eta abar.

Baina, nola adierazi multzo baten erdia? Nola esan behar da, ikasleen erdiA edo ikasleen erdiAK?

Euskaraz, multzo baten erdia adierazteko, plurala erabiltzen da; beraz, ikasleen erdiAK esan behar da, eta ez ikasleen erdiA.

-* Gonbidatuen erdiA falta da. Gonbidatuen erdiAK falta dira.

- *Liburuen erdiA apurtuta daude. Liburuen erdiAK apurtuta daude.

- *Horien erdiAREKIN nahiko da. Horien erdiEKIN nahiko da.

Euskal Gramatika Osoa. Ilari Zubiri eta Entzi Zubiri.

Poesia

Joxan Artzek poema hau Lizardiren jaiotzaren mendeurrenaren karietara antolatu ziren kantaldi-errezitaldi bitan irakurri zuen, 1996an:

maita ezazu

duela urte asko

zugan maitasuna

piztu zuen hura

maita ezazu

aspalditxoan etxean duzun hori

ez aspertu

egunero ondoan duzulako

maitatu

beragan maitatu zenuen

zugan maitasuna piztu zuen

lili hark

hor dirau eta

bizi-bizi

oraindik gordin

beti ximeltezin

maita ezazu gaur

aldean duzuino

maitatu gaur

agian bihar ez duzu izango eta hor

nor maitatzeko

zugan maitasuna pizturik

iraunarazteko

joana izango duzu eta

ustekabean

agurrik ere egin gabe

maitatu

lehenengoz ikustera bazindoaz bezala

azkenengoz ikustera bazindoaz bezalaxe

maitatu

ezin baduzu ere

maita ezazu

desesperatuki bederen

maitasunik gabeko bizitza baino

ezer gogorragorik

ez dago eta munduan

maita ezazu zeure maitea

bera bakarrik balitz bezala munduan

besterik ez balitz bezala inguruan

eta maitatuko dituzu beste guztiak

hurbilekoak nola urrunekoak

zeure maitea balira bezala

Artzeren poema argitaratu gabe bat

Markos Zapiain

‘G’ hauetako zein da zuzena? Lautik batek soilik asmatzen du!

Johns Hopkins Unibertsitateak sustatutako esperimentua ekarri du Garbiñe Ubeda kazetariak ‘Ahoz Aho’ra. Irudi batean agertzen diren lau “g” letren artean zuzena zein den asmatu beharra dago.

Eskoletako idazketa-ereduari buruz ere hitz egiten dute.