Embedded Files
BEZALAKO
Gaztelaniaren eraginez, «bezala» eta «bezalako» konparazioetatik atera eta beste eremu batzuetara eraman ditugu. Orain ez da arraroa izaten «bezalako» zerrendei bide egiten aurkitzea euskarazko testuetan.
- Bilboko udal haztegietan haritza, pagoa eta artea *bezalako zuhaitzak landatzen hasi dira.
Zerrendak aurkezteko, euskaraz beste baliabide batzuk ditugu: «hala nola», «eta beste hainbat»...
- trakets: Bilboko udal haztegietan haritza, pagoa eta* artea bezalako zuhaitzak landatzen hasi dira.
- hobeto: Bilboko udal haztegietan zuhaitzak landatzen hasi dira, hala nola, haritza, pagoa eta artea.
- trakets: Gabonetan legatza eta arkumea *bezalako produktuak garestitu egiten dira.
- hobeto: Gabonetan legatza, arkumea eta horrelako produktuak garestitu egiten dira.
- trakets: Festaroa kantaldian azken hogei urteetan ezagun egin zaizkigun Imanol eta Niko Etxart *bezalako abeslariak elkartu ziren.
- hobeto: Festaroa kantaldian azken hogei urteetan ezagun egin zaizkigun abeslariak elkartu ziren: Imanol, Niko Etxart eta beste asko.
Eider Santisteban, Gontzal Fontecilla
http://www.erabili.eus/zer_berri/muinetik/1317974792
PASARTEA
(...)Senarrak gogoan du behin torturatu bati irakurri ziona: torturatzaileen errutina ikustea bezain gogorra izan omen zitzaion komisariatik irtendakoan loreak ikustea balkoietan. Zeru-lurrak ez dira lehertu, eta lore horiek hor! (...).
ZU
Anjel Lertxundi
MUSIKA / BIDEOA
Negu Gorriaken "Kolore bizia" kantuaren bertsio ederra egin dute Lain taldeko Leire Berasaluzek eta Kristina Aranzabek.
Page updated
Report abuse