Salm 98

98. Canté a Nosgnor un càntich neuv

Ël poeta a ciama la tèra antrega a laudé Dé përchè Chiel a 'rvela Soa giustissia e libera Israel.

98:1 Canté a Nosgnor un càntich neuv përch' a l'ha fàit 'd euvre prodigiose. Soa man drita a l'ha portane na granda vitòria. Sò sant brass a l'ha fane vëdde vàire ch'a l'é poderos! 98:2 Nosgnor a l'ha fàit conòsse Soa salvëssa e 'rvelà Soa giustissia a tùit ij pòpoj. 98:3 A l'ha 'rcordasse 'd Soe promësse 'd volèj bin e d'esse fedel a Israel. Tuti a l'ha vëddù da na broa a l'àutra 'd la tèra la salvëssa 'd nòst Dé. 98:4 Che la tèra 'ntrega aclama Nosgnor; s-cionfé 'd cant e 'd crij d'alegrëssa! 98:5 Canté a Nosgnor al son ëd cétere, con ëd cétere e 'd son melodios! 98:6 Con trombëtte e 'l son ëd còrn, aclamé al Rè, ch'a l'é Nosgnor! 98:7 Ël mar e tut lòn ch'a conten ch'a crija Soe làude! Ch'as unisso a le làude ël mond e tuti coj ch'a-i vivo! 98:8 Ij fium ch'a faso 'l batiman; le montagne tute ch'a canto 'nsema 'd gòj 98:9 dë 'dnans a Nosgnor, përchè Chiel a l'é 'n camin a rivé për giudiché la tèra. Chiel a giudicrà 'l mond con giustissia e le nassion con dritura.