1 Crònache

3

Ij dissendent ëd David

¹Costi a l'ero stait ij fieuj ch'a l'ero nassuje a David a Ebron: ël prim-génit Amnon, nassù da Achinòam d' Izrel; lë scond Daniel, nassù da Abigàilëd Carmel; ²ël ters Assalòn, fieul ëd Macà, fija 'd Talmài, rè 'd Ghesur; ël quart Adonia, fieul d'Aghìt; ³ël quint Sefatia, nassù da Abitàl; ël sest Itreàm, nà da soa fomna Egla. ⁴Ses a son naje a Ebron, andova che chiel a l'avìa regnà set ani e ses meis, antramentre a l'ha regnà trantatré ann a Gerusalem.

⁵Costi-sì a son nassuje a Gerusalem: Simeà, Sobab, Natan e Salomon, visadì quat fieuj ch'a l'ero naje da Betsabea, fija d' Amièl; ⁶nen mach, ma dcò Ibcar, Elisamà, Elifèlet, ⁷Nòga, Nefegh, Iafìa, ⁸Elisamà, Eliadà e Elifèlet, visadì neuv fieuj. ⁹Tuit costi-sì a l'ero stait fieuj ëd David, sensa conté ij fieuj dle soe concubin-e. Tamar a l'era seur ëd lor.

Dissendent ëd Salomon o d’àutri fieuj ëd David]

¹⁰Fieuj ëd Salomon an linea diréta: Roboam, Abia, Asa, Giòsafat, ¹¹Ioram, Acasia, Ioas, ¹²Amasia, Asaria, Iotam, ¹³Acas, Esechia, Manasse, ¹⁴Amon, Giosia. ¹⁵Fieuj ëd Giosia: ël prim-génit Giovan, lë sgond Ioiachim, ël ters Sedecìa, ël quart Salum. ¹⁶Fieuj ëd Ioiachim: Ieconìa, Sedecìa. ¹⁷Fieuj ëd Ieconìa, ël deportà a Babilònia: Sealtièl, ¹⁸Malchiràm, Pedaià, Senassàr, Iecamia, Osamà e Nedabia. ¹⁹Fieuj ëd Pedaià: Zorobabel e Simei. Fieuj ëd Zorobabel: Mesulàm e Anania e Selomìt, soa seur. ²⁰Fieuj ëd Mesulàm: Casubà, Oel, Berechia, Casadia, Iusab-Chèsed: sinch fieuj. ²¹Fieuj d' Anania: Pelatia, Isaia, Refaià, Arnan, Abdia, Secania. ²²Fieuj ëd Secania: Semaià, Catus, Igal, Barìach, Nearia e Safat: ses. ²³Fieuj ëd Nearia: Elioenài, Esechia e Asricàm: tre. ²⁴Fieuj d' Elioenài: Odavia, Eliasìb, Pelaià, Acub, Giovan , Delaià e Anàni: set.