Ij Salm

100. Ch’a seurto d’aclamassion a Nosgnor da tuta la tèra!

Ël Salmista as arlegra ‘d cheur dël fàit che Israel a l’àbia na relassion ëspecial con Nosgnor e a cissa ij fedej a laudé Nosgnor për Soa fidelità.

¹Salm ëd làude. Ch’a seurto d’aclamassion a Nosgnor da tuta la tèra! ²Rendeje l’adorassion con gòj! Vnì dëdnans a chiel an cantanda d’argiojissansa. ³Arconòsse che ‘l Signor a l’é Dé! A l’é chiel ch’a l’ha creane, e nojàutri i soma ij sò; i soma sò pòpol, lë strop che chiel a men-a an pastura. ⁴Intré për ij portaj ëd sò templ am rendendje grassie! Esaltelo! Benedì sò Nòm. ⁵Përchè Nosgnor a l’é brav, e sò amor a dura për sèmper. Nosgnor a l’é fidel pr’ ij sécoj dij sécoj.