Ij Salm

6. Nosgnor! Rimprocc-me nen quand ch’it ses anrabià parèj!

Lë scritor a sùplica Nosgnor d’artiré da chiel soa ira e sparmié soa vita. Apress d’avèj arseivù na rëspòsta positiva a soa preghiera, chiel a peul adess afronté ij sò nemis e fé la descrission ëd soa artreta ‘d lor.

¹Pr’ ël diretor dël còro: un Salm ëd David da companiesse con në strument a eut còrde. Ant ël ton ëd Seminit. Nosgnor! Rimprocc-me nen quand ch’it ses anrabià parèj! ²Tut mè còrp a tërmola për tëmma ‘d na coression tròp rigorosa! ³A l’é coma se tut mè còrp a fussa an sël pont ëd dësblesse^[1]. Vàire ch’i l’avrai ancora da sté an ësta condission? ⁴Nosgnor! Torna da mi e salv-me! Tirme fòra da costa situassion: i sai che, malgré tut, ti ‘t ses fedel a toe promësse! ⁵An tra ij mòrt a-i é gnun ch’at arcòrda. Chi podrìa mai laudete da la tèra dij mòr^[2]t? ⁶I son bele che sfinì a fòrsa ‘d sangiutì^[3]. Ëd neuit i chito mai ëd pioré^[4]: mè cussin a l’é mojà da le lerme. ⁷Ij mè euj a son gonfi pr’ij patiment; i son tant débol ch’i podrìa pì nen reagì a le mnasse dij mè nemis.

⁸Slontaneve da mi, tuti vojàutri ch’i feve lòn ch’a l’é mal, përchè Nosgnor a l’ha scotà ‘l son dij mè pior^[5]. ⁹Nosgnor a l’ha scotà mia sùplica e a l’ha arseivù mie preghiere. ¹⁰Ij mè nemis, confus e sburdì, bin tòst a torneran andré.

Nòte[

1. O “i l’hai l’ànima tuta dësblà”.

2. O “da ‘l Séol”.

3. O “gëmme”.

4. O “i anlago mè let ëd lerme”.

5. O “mia preghiera”.