1 Cronache 15

1 Cronache 15

Ariv ëd l'Erca a Gerusalem

15:1 David a l'è andait a fé 'd costrussion a la sità' d David, an prontand un pòst për l'Erca'd Dé e feje un tabernàcol. 15:2 Peui a l'ha dit: "L' Erca' d Dé a peul esse portà mach dai levita. Nosgnor a l'ha sernuje për porté soa Erca e sté sémper a sò servissi". 15:3 David a l'é andait a convoché tuit j' Israelita a Gerusalem për tramudé l'Erca'd Nosgnor ant ël leu che a l'avia prontà. 15:4 Antlora David a l' ha assemblà ij fieuj d' Aron e ij levita.

15:5 Për ij fieuj ëd Qehat, ël cap Oriel e sò frej, sentevint. 15:6 Për ij fieuj ëd Merarì, ël cap Asaià e sò frej, dosentevint. 15:7 Për ij fieuj ëd Guersòm, ël cap Joel e sò frej, sentetranta. 15:8 Për ij fieuj d' Elisafan: ël cap Semajà e sò frej, dosent. 15:9 Për ij fieuj d' Ebròn : ël cap Eliel e sò frej, otànta. 15:10 Për ij fieuj d' Osiel: ël cap Aminadav e sò frej, sentedódes.

15:11 David a l' ha convocà ij sacerdòt Sadòch e Abiatar, e ij levita: Oriel, Assaià, Joel, Semaià, Eliel e Aminadav. 15:12 E a l' ha dije: "Vojàutri che i seve ij cap dle casà dij levita: Santificheve, voi e vòsti frej, e fé monté l' Erca' d Nosgnor, Dé d' Israel, ant ël leu ch'i l'hai prontaje. 15:13 A l'é che, ant ël moment che voi i j' ere pa, la prima vira, Nosgnor a l' ha frapane, përchè nojàutri i l'oma nen sercalo conforma a la Lege. 15:14 Ij sacerdòt e ij levita, donca, a l'ero santificasse për tramudè l' Erca' d Nosgnor, Dé d' Israel. 15:15 Ij fieuj dij levita, coma a l' avia comandà Mosé conform la paròla' d Nosgnor, a l' han portà l' Erca' d Dé ansima a soe spale , con le stanghe.

15:16 E David a l'ha comandà ai cap dij levita d' anstituì sò frej, ij cantor, con jë strument musicaj, arpe, lire e cìmbali, e che a fèisso aussé bin fòrt soe vos ëd gòj. 15:17 Ij levita a l' han designà Eman, fieul ëd Joel, Assaf, fieul ëd Berechia; e, an tra ij dissendent ëd Merari, sò frej, Etan fieul ëd Cosaia. 15:18 Con lor a-i j' era , ant ësgond órdin, sò frej levita, Zecaria, Ben, Asiel, Semiramòt, Jechiel, Oni, Eliab, Benaia, Masseia, Matitia, Elifle, Micneia, Obed-Edom e Jeiel, guardian dle pòrte.

15:19 E ij cantor Eman, Asaf e Ean a fasìo soné ij cìmbali' d bronz. 15:20 Zecaria, Asiel, Semiramòt, Jechiel, Oni, Eliab, Masseia e Benaia a l'avio' d salteri an sël ton d' " Alamòt [1]". 15:21 Matitia, Elifle, Micneia, Obed-Edom , Jeiel e Asasia a tocavo le lire al ton d' Hasseminit lenaseah" [2]. 15:22 Chenania, cap dij levita ancaricà dël tramud dl' Erca, a dirigìa la musica: òm savant. 15:23 Berechia e Elcana a l' ero guardian [3] dl' Erca. 15:24 Ij sacerdòt Sebania, Josafat, Netanel, Amassai, Zecaria, Benaia e Elieser a sonavo le trombe dëdnans a l' Erca' d Dé. Obed-Edom e Jechia a l' ero guardian [3] ëd l' Erca.

L'Erca portà ant la sità'd David

15:25 David, j'ansian d'Israel e ij cap rësponsàbij dle formassion ëd mila òm a l' han compagnà con argiojissansa' l tramud ëd l'Erca dl' aleansa' d Nosgnor da la ca d' Obed-Edom. 15:26 Antramentre che Dé a-j dasìa sò confòrt ai levita che a portavo l' Erca dl' aleansa' d Nosgnor, a son sacrificàsse set tòr e set moton. 15:27 David andasìa vestì con un mantel ëd lin [4], dla midema fasson ëd col dij levita che a portavo l' Erca, ij cantor e Chenania, che a dirigìa la traslassion. David a l' avìa dcò n' efod è [5] ëd lin. 15:29 Tuta Israel a fasia monté l'Erca ' d Nosgnor con aclamassion e al son dij còrn, con trombe e cìmbali, e dla musica dj' àrpe e lire 15:29 Ora, ant ël moment che l' Erca' d Nosgnor a l'era intrà ant la sità' d David, Micol, la fija' d Saul, a l' è butasse a vardé da la fnestra e, an vedend ël re che a sautava e a balava, a l' ha dëspresialo drinta' d chila.

Nòte

• • [1] Miraco a l'era la tonada për vos ëd fiëttin-e.

• [2] Nen sicur ma miraco: "Stil ëd salteri për épica (epinich)".

• [3] Ij guardian ("portié"), a guernavo che ij nen-ebreo a s'avzinèiso pa.

• [4] As peul lese dcò "bisso/bissus", o damasch.

• [5] L' "efod" a l'era tanme në scu che as portava sota la gola, con ij sìmboj /emblema dle dódes tribù d'Israel.

https://lumina.bible.org/bible/1+Chronicles+15

À à È è É é Ì ì Ò ò Ó ó Ù ù Ë ë