1 Cronache 20

1 Crònache 20

Assedi e pijàita 'd Rabba: sconda campagna Amonita

20:1 Tornà la prima, ant la stagion che ij re a seurto për fé la guera, Joab a l'ha mnà n'armeja fòrta contra dij fieuj d'Amon e a l'ha vastane 'l pais. Peui a son vnùit a assedié Rabba antramentre che David a stasìa ancora a Gerusalem [1]

.

Joab a l'é andait a espugné Rabba e a dëstruvla

20:2 E David a l'ha gavaje da la testa 'd so re la coron-a, e a l'ha trovà che a peisava un talent d'òr, e a-i j'era 'd pere pressiose. A l'é staita butà an sla testa 'd David, che a l'ha dcò mnà da la sità na gran caterva 'd pijàita. 20:3 Fait seurte la gent che as trovava, a l'ha condanaje al suplissi dle ressie, dle roe [2] e dij piolet. Përparej a l'ha fait David a tute le sità dj'Amonita. Peui con tuta soa gent a l'é tornasne a Gerusalem.

Guère contra ij Filisté

20:4 Dòp tut sòn, a l'é rivaje na guera a Geser contra dij Filisté. Antlora Sibecai, l'Usatita, a l'ha massà Sipai, dla rassa dij gigant ëd Rafa. E ij Filisté a son stait umilià. 20:5 A -i è staie peui, ancora n'àutra bataja con ij Filisté, andova che Elcanan, fieul ëd Iair, a l'ha colpì Lacmi, frel ëd Golia 'd Gat, che a l'avìa l'asta dla lansa gròssa 'me la sobia .3

da tëssior.

20:6 N'àutr combatiment a l'é dcò staie a Gat. A-i j'era n'òm grand e gròss che a tenia ses dij për man e pé, an tut vintequat dij: dcò chiel a l'era dla rassa dij gigant rafaita. 20:7 E a l'ha sfidà Israel, tutun Giònatan, fieul ëd Simea a l'ha massalo. 20:8 Costi-sì a l'era stait ij dissendent dla rassa dij gigant rafaita an Gat. E tuti a son tombà mòrt për man ëd David e 'd soa gent.

Nòte

• [1] Ël test paralel ëd 2 Samuel a parla dla conta'd Bersabea e Uria.

• [2] As podria lese dcò: erpi, galavia o rubat,vëddù tanme tortura.

• [3] Dcò: súbia.

À à È è É é Ì ì Ò ò Ó ó Ù ù Ë ë