Levitich 27

27:1 Nosgnor a l'ha adrëssaje soa paròla a Mosè, comandàndje: 27:2 Parla a j' Israelita e dije: Se cheidun a vorèissa adempí a 'n vot, fàit al Signor, e che a peussa riguardé 'd përson-e, costa gent a dovrà esse dësangagià, e a saran valutà conform a lë stim che ti 't në faras. 27:3 La conversion a së stimerà sinquanta sicl dël Santuari për un mas-cc vej da vint a sessant' ani. 27:4 Nopà, për nà fomna, lë stim a sarà 'd tranta sicl. 27:5 Dai sinch ai vint ani, tò stim a sarà 'd vint sicl për un mas-cc e des sicl për nà fumela. 27:6 Se a và da un mèis a sinch ani, lë stim a sarà 'd sinquanta sicl për ël mas-cc, e tre për la fumela. 27:7 E se la person-a a conta da sessant' ani an sù, tò stim a sarà 'd quindes sicl për l'òm e des për la fomna. 27:8 Se peui la person-a ch' a l'ha fàit ël vot a l' é tant pòvra da nen podèj paghé 'l dovù, che as presenta al prèivi, che a në farà lë stim conform la sernia 'd chi a l'ha fàit ël vot. 27:9 Se'l vot a rësguarda nà bestia, ëd cole che as peulo smon-e an sacrifissi a Nosgnor, qualsëssìa a sia l' animal che a ven smonù al Signor: a l'è sacrà; 27:10 as Peul pa cambiesse con n'àutr: as në butrà pa un bon al pòst ëd n'àutr gram, nì un gram al pòst d'un bon; ma nen mach, se a dovèissa dëscambiesse nà bestia con n'àutra, a saran tùit doi consacrà. 27:11 Se as tratèissa 'd nà bestia impura, che as peul pa smon-e an sacrifissi a Nosgnor, ch'as presenta l'ànimal al prèivi. 27:12 Chiel a në farà lë stim conform sò valor pì o meno àut, e lòn ch'a stimërà'l prèivi, tant a vala. 27:13 Nopà se col che a smon a vorèissa dësangagelo, che a daga'd pì, un quint ëd lòn che a l'era stàit valutà. 27:14 Se cheicadun a fà dla soa ca cheicòs ëd sant, an sacrandla a Nosgnor, ël prèivi a l'avrà da giudiché se a val pòch o tant , conform a lòn che 'l prèivi a l'avrà stimala, col-lì a sarà sò valor. 27:15 Se peui col che a l'avrà sacrà la ca, a la vorèissa dësangagé, che a gionta un quint an pì dël valor, e la ca a sia torna soa.

27:16 Se un a consàcra al Signor un camp ëd soa ardità dël sò, col teren a sia stimà an proporsion ëd lòn ch'a rend, an sla base 'd sinquanta sicl d'argent, për minca n'òmer d'òrdi prodovù. 27:17 Se a santìfica 'l camp ant l'ann midem dël giubilé, che a së staga ant ël valor antregh dlë stim. 27:18 Nopà, se a lo consacra apres l'ann dël giubilé, ël prèivi a në calcolerà 'l valor mach an rason dj'ani che a resto ancora fin-a 'l neuv ann giubilar, për lòn, che as fasa na ridussion an proporsion dla valutassion. 27:19 Se peui col che a l'ha sacrà 'l camp a vorèissa rëscatelo, che a-i gionta un quint al pressi dë stim, e 'l camp a sarà torna sò. 27:20 Ma se a lo dësangagia pa e 'l camp a ven vendù a n'àutr, chiel a perd sò dirit ëd dëspotechelo; 27:21 e ant ël moment dël giubilé col teren a tornerà franch, a restrà sacrà al Signor, tant come don che as peul pa arvochesse e a pasrà an proprietà dël sacerdòt. 27:22 Se un a consacra a Nosgnor un camp catà da chiel e che a fà pa part ëd soa proprietà arditària, 27:23 ël prèivi a në farà 'l cont dël pressi fin-a a l'ann dël giubilé, e chiel a në pagherà 'l pressi fissà, col dì midem, përchè a l'é sant al Signor. 27:24 Ant l'anada giubilar peui, ël camp a tornerà a col che a l'avìa vendùlo, përchè a fasìa part ëd soa proprietà arditària. 27:25 Minca stim a l'ha da esse fàita conform al sicl dël Santuari, visadì l'equivalent ëd vint ghere*. 27:26 Contut, gnun a podrà sacré ij primnà dlë strop, che a son già 'd Nosgnor, përchè primnassù: che a sia cabial gròss o strop cit, a l'é dël Signor.

27:27 Se as tratèissa 'd na bestia scrosa, a sarà dësangagià al pressi dë stim, giontàndie un quint; se a l'è pa dëspotecà a sarà vendù al pressi dë stim.

27:28 Contut, lòn che un a l'avrà consacrà al Signor con vot d'anatema, an tra lòn che a l'é sò: valadì, përson-a, animal o tòch ëd tèra 'd sò patrimòni, a podrà pa pì esse vendù nì rëscatà; tut lòn che a l'é vota a l'anatema a l'é motobin sacrà, guernà për ël Signor.

27:29 Gnun-a përson-a votà an anatema a peul esse pa rëscatà, ma a dev esse butà a mòrt. 27:30 Minca décima dla tèra, visadì dle granaje dël teren, dla fruta dj'erbo, a l'é 'd Nosgnor; a l'è ròba sacrà al Signor.

27:31 Se un a vorèissa dëspoteché càiche décima, a dovrà giunteie un quint dël sò valor. 27:32 minca décima dle bestie cite o gròsse, e visadì 'l cap ch'a fà des ëd lòn che a passa sota 'l baròt pastural dël bërgé, a sarà sacrà al Signor.

27:33 As farà pa la sernia an tra bestia bon-a e grama, nì as faran sostitussion: n'animal a sarà pa varià con n'àutr, tùit e doi a son sacrà, as podran nen dësangagesse.

27:34 Costi a son j'órdin che Nosgnor a l'ha daje a Mosè, për j'Israelita, an sël mont Sinai.