1 Cronache 11

1 Cronache - Capìtol 11

David, fondator dël cult dël Templi - David a riva esse re

David sacrà re d'Israel: soa ancoronassion

• (1) Tuta Israel a l'é rassemblasse d'antorn a David a Ebron.E a l'han dije: Nojàutri i soma toa gent,òss dij tò òss e carn ëd toa carn.

• (2) Dcò na vira,al temp che Saul a l'era nòst re, ti't dirigìe le campagne militar d'Israel.Nosgnor tò Dé a l'avìa dite: Ti't mneras an pastura Israel,mia gent;e it saras sò prinsi.

• (3) Përparej,che tuti j'ansian d'Israel a son andàit a trové'l re a Ebron, e a l'han fait n'aliansa dëdnans a Nosgnor e a l'han sacralo re d'Israel, conform a lòn che a l'ha dit Dé per boca'd Samuel.

Conquista'd Gerusalem

• (4) David e tuta la gent d'Israel a son portasse contra'd Gerusalem,che antlora as ciamava Jebus; ambelelà a-i ëstasìo ij Gebusé, abitant ëd col pais.

• (5) E ij Gebusé a l'avìo dije a David: Sì ,ti t'intreras pa! Tutun David a l'é fasse padron ëd la fortëssa'd Sion,che a l'é vnùita

• parej esse: sità'd David.

• (6) David a l'avia dit:Ël prim che a fraprà un Gebusé a sarà general an cap. Ël prim a monté a l'era stait Joab, fieul ëd Sëruià,che dun-a a l'é stait nominà general an cap.

• (7) David a l'é anstalasse ant la fortëssa. Për lòn a l'é staita pei ciamà "sità'd David".

• (8) Chiel a l'ha rënforsà tut d'antorn,dal terapé ciamà Milo,fin-a a j'anviron, antramentre che Joab a l'ha restaurà la resta dla sità.

• (9) David andasìa a chërse an podej: Nosgnor dl'univers a l'era con chiel.

J'eròj 'd David

• (10) Costi-sì a son ij cap dij vajant ëd David che a l'ero a so servissi,e che l'han giutalo con tuta Israel a fé sicur ël domini, për proclamelo re, parej tanme Nosgnor a l'avia nunsià a Israel.

• (11) J'eròj ëd David a l'ero: Iasobeam, ël Cacmonita, cap an tra le vardie,che a l'ha bandà soa lansa,contra tërzent òmo.

• (12) A seguìa Eleasar,fieul ëd Dodo, dël clan d'Acoca, un dij tre vajant ëd David.

• (13) Chiel a l'era con David a Pasdamim; e ij Filisté a son rassemblasse ambelelà për combate.A -i j'era ansilì un camp pien d'òrdi,e la gent a scapava dëdnans ai Filisté;

• (14) j'òm d'Eleasar a van a butesse an mes dla coltivassion,a difendo'l camp e a buto an derota ij Filisté.Parej che la vitòria che a l'ha conceduje Nosgnor a l'é staita strasordinaria.

• (15) Un bel di,tre dij Tranta vajant,a son calà a trové David da para dël ròch,ant la balma d'Adulam, antramentre che l'esércit Filisté a l'avìa butà camp ant la comba dij Refaita.

• (16) David a vivia an col arfugi fortificà, e a Betlem a-i j'ëstasìa na guarnigion dij Filisté.

• (17) David,tutun, a l'avìa anvìa d'eva bon-a e a l'ha dit:- Oh,se cheicadun am dèissa da beive, ëd che gust i beiverìa l'eva dla sisterna che a -i è a l'intrada'd Betlem!

• (18) Antlora coj tre, passand an mes al campament dij filisté, a son andait a tiré d'eva a la sisterna dl'intrada'd Betlem e a l'han smonùjla a David. Tutun chiel, a l'ha pa vorsùine beive. A l'ha spatarala tuta për tèra,fasendne na libagion a Nosgnor,

• (19) antramentre a disìa: -Che Dé am varda, ëd beila!St'eva a l'é'l sangh ëd costi òm che a son andait a rìsigh ëd soa vita: a l'han butà an perìcol la vita për portemla!- David,donch,a l'ha pa vorsù beivne. Sòn a l'é lòn che a l'han fait coj tre eròj.

• (20) Abisai,frel ëd Joab, a l'era cap dij Tranta, Un di, a colp ëd lansa a l'ha massà terzent òmo,tutun soa fama as podìa nen paragonesse a cola'd coj tre.

• (21) A l'é stait considerà ancora'd pì,an tra'd coj che a l'era a cap,tutun a l'é pa stait a l'autëssa dij mérit dij tre vajant.

• (22) Benaia,da Cabzel,fieul dël gran guerié Joiada, a l'avìa fait vàire prodësse. A l'ha massà doi fieuj d'Ariel[ opura doi guerié vajant o ancora doi leon] ëd Moab e, ant un di ëd fiòca,a a l'ha massà un leon drinta na sisterna.

• (23) A l'é andàit a bate dcò n' Egissian,àut pì 'd doi méter [sinch cùbit], che a portava na lansa gròssa parej ëd na subia da tëssior; tutun a l'ha afrontalo con un baròt, a l'ha s-ciancaje'd man l'asta e a l'ha massalo.

• (24) Coste a son staite j'impreise'd Benaia, fieul ëd Joiada, e chiel a l'é fasse un nòm an tra ij tre eròj vajant.

• (25) Chiel a l'é stait considerà pì che tuit ij Tranta, tutun a lè mai stait a l'autëssa dj' àutri tre.David a l'ha constituilo al comand ëd la vardia real.

• (26) Ij vajant dl'armeja a l'ero: Assael,frel ëd Joab; Elcanan,fieulëd Dodo,betlemita;

• (27) Samòt,da Aror; Cheles,ël pelonita;

• (28) mIrà,fieul d'Iches da Tecoa; Abieser,d'Anatòt.

• (29) Sibecai, Cussatita; Ilai, dël clan d'Acoach;

• (30) Marai,da Netofà; Cheled fieul ëd Baanà,da Netofà;

• (31) Itai,fieul ëd Ribai,da Guibà'd Beniamin;Benaià,da Piraton;

• (32) Curai,dal torent ëd Gàas; Abiel, l'Arbatita;

• (33) Asmàvet, da Bacurim;Eliacbà,da Saalbon;

• (34) ij fieuj ëd Hasem,ël Guisonita; Jonatan,fieul ëd Sagué l'Ararita;

• (35) Achiam,fieul ëd Sacar l'Ararita;Elifal fieul d'Ur;

• (36) Chéfer, ël Mecheratita; Achià, ël Pelonita;

• (37) Chesrò, da Carmel; Naarai fieul d'Esbai;

• (38) Joel,frel ëd Natan; Mibcar,fieul d'Agrì;

• (39) Sèlech l'Amonita; Nacrai,da Berot,scudié'd Joab,fieul ëd Seruià;

• (40) Irà,da Jatir; Gareb,da Jatir;

• (41) Uria, l'Hitita; Zabad,fieul d' Aclai;

• (42) Adinà,fieul ëd Sisà,dla tribù'd Ruben,cap dij Rubenita ,ij Tranta òmo che a l'ero con chiel.

• (43) Canan,fieul ëd Maacà; Joissafat,ël Mitnita;

• (44) Usià,d'Aistarot; Samà e Jeiel,fieuj ëd Cotam d'Aroer;

• (45) Jediael,fieul ëd Simrì; Jocà, so frel ël Tissita;

• (46) Eliel,ël Macavita; Jeribai e Joissavià,fieuj d'Elnàam; Itmà, ël Moabita;

• (47) Eliel,Obed e Jaassiel, da Sobaià.