1 Crònache

2

Ij dissendent d’Israel (Giacòb)

¹Costi-sì a son ij fieuj: Ruben, Simeone, Levi, Giuda, Issacar, Zàbulon, ²Dan, Giusep, Beniamin , Nèftali, Gad e Aser.

Ij dissendent ëd Giuda, ëd Caleb e d’Ieracmel

³Fieuj ëd Giuda: Er, Onan, Sela; costi tre a son nassuje da la fija 'd Sua la Cananea. Ma Er, prim-génit ëd Giuda, a l'é dëspiasuje a la mira 'd Nosgnor che, për lòn, a l'ha falo meuire. ⁴Tamar, soa nòra, a l'ha daje Peres e Zerach. An total ij fieuj ëd Giuda: sinch. ⁵Fieuj ëd Peres: Chesron e Camul. ⁶Fieuj ëd Zerach: Zimrì, Etan, Eman, Calcol e Darda; an tut: sinch. ⁷Fieuj ëd Carmì: Acar, ch'a l'ha provocà un maleur an Israel fasendse padron ëd lòn ch'a l'era sacrà a Nosgnor. ⁸Fieuj d' Etan: Azaria. ⁹Fieuj ch'a son naje a Chesron: Ieracmel, Ram e Chelubai.

Ij dissendent ëd Ram

¹⁰Ram a l'ha generà Aminadàb; Aminadàb a l'ha generà Nacson, cap dij fieuj ëd Giuda. ¹¹Nacson a l'ha generà Salma; Salma a l'ha generà Booz. ¹²Booz a l'ha generà Obed; Obed a l'ha generà Iesse. ¹³Iesse a l'ha generà Eliàb, prim-génit, Abinadab, sgond, Simeà, ters, ¹⁴Netanel, quart , Raddai, quint. ¹⁵Osem, sest , David , setim. ¹⁶Soe seur a son ëstaite: Seruià e Abigàil. Fieuj ëd Seruià a l'ero Abisài, Ioab e Asael: tre. ¹⁷Abigàil a l'ha partorì Amasà, che sò pare a l'é stait Ieter l'Ismaelita.

Ij dissendent ëd Caleb

¹⁸Caleb, fieul ëd Chesron, da soa fomna Asubà a l'ha avù Ieriòt. Costi-sì a son ij fieuj ëd chila: Ieser, Sobab e Ardon. ²⁰Mòrta Asubà, Caleb a l'era mariasse con Efrat, ch'a l'ha daje Cur. 2:20 Cur a l'ha generà Urì; Urì a l'ha generà Besalel. ²¹Peui Chesron a la fija ëd Machir, pare ëd Galad; chiel a l'ha mariala a sessant'ani e chila a l'ha partorije Segub. ²²Segub a l'ha generà Iair, ch'a l'era padron ëd vintetré sità ant la region ëd Galad. ²³Ghesur e Aram a l'han pijaje sò pais ëd Iair con Kenat e dipendense: sessanta sità. Tuit costi-sì a l'ero stait ij fieuj ëd Machir, pare ëd Galad. ²⁴Dop la mort ëd Chesron, Caleb a l'é unisse torna a Èfrata, fomna 'd sò pare Chesron, ch'a l'ha anfantaje Ascur, pare 'd Tekòa.

Ij dissendent ëd Ierachmel

²⁵Ij fieuj ëd Ieracmel, prim-génit ëd Chesron, a l'ero stait Ram, ël fieul grand, Buna, Oren, Osem, Achia. ²⁶Ieracmel a l'avìa avù na sgonda fomna che as ciamava Atarà e a l'é staita mare d'Onam. ²⁷Ij fieuj ëd Ram, prim-génit'd Ieracmel, a son ëstait Mas, Iamin e Echer. ²⁸Ij fieuj d'Onam a l'ero Samai e Iada. Fieuj ëd Samai: Nadab e Abisùr. ²⁹La fomna d' Abisùr as ciamava Abiàil e a l'ha daje Acban e Molid. ³⁰Fieuj ëd Nadab a son ëstait Seled e Apaim. Seled a l'era mòrt senza fieuj. ³¹Fieuj d' Apaim: Isèi; fieuj d' Isèi: Sesan; fieuj ëd Sesan: Aclài. ³²Fieuj ëd Iada, frel ëd Samai: Ieter e Giònata. Ietera l'era mòrt sensa fieuj. ³³Fieuj ëd Giònata: Pelet e Zasa. Costi-sì a son ëstait ij dissendent d' Ieracmel. ³⁴Sesan a l'ha pa avù fieuj ma mach ëd fije; chiel a l’avìa në s-ciav egissian ciamà Iarca. ³⁵Sesan a l'ha daje coma fomna a lë s-ciav Iarca na fija ch'a l'ha partorije Atài. ³⁶Atài a l'ha generà Natan; Natan a l'ha generà Zabad; ³⁷Zabad a l'ha generà Eflal; Eflal a l'ha generà Obed; ³⁸Obed a l'ha generà Ieu; Ieu a l'ha generà Azaria; ³⁹Azaria a l'ha generà Cheles; Cheles a l'ha generà Elasà; ⁴⁰Elasà a l'ha generà Sismài; Sismài a l'ha generà Salum; ⁴¹Salum a l'ha generà Iecamia; Iecamia a l'ha generà Elisamà.

D'àutri dissendent ëd Caleb

⁴²Fieuj ëd Caleb, frel ëd Ieracmel, a son ëstait Mesa, sò prim-génit, ch'a l'era stait pare'd Zif; ël fieul ëd Maresà a l'é stait fieul d' Ebron. ⁴³Fieuj d' Ebron: Core, Tapùach, Rechem e Sema. ⁴⁴Sema a l'ha generà Racam, pare'd Iorcoàm; Rechem a l'ha generà Samài. ⁴⁵Fieul ëd Samài: Maon, ch'a l'era stait pare'd Bet-Sur. ⁴⁶Efa, concubin-a 'd Caleb,a l'ha partorì Caran, Mosa e Gases; Caran a l'ha generà Gases. ⁴⁷Fieuj ëd Iadài: Reghem, Iotam, Ghesan, Pelet, Efa e Saf. ⁴⁸Macà, concubin-a 'd Caleb,a l'ha partorì Seber e Tircanà. ⁴⁹A l’ha partorì dcò Saaf, pare 'd Madmanà, e Seva, pare 'd Macbenà e pare 'd Gaba. Fija 'd Caleb a l'era staita Acsa.

⁵⁰Costi-si a son ëstait ij fieuj ëd Caleb. Fieuj ëd Cur, prim-génit d' Èfrata: Sobal, fondator ëd Chiriat-Iearìm, ⁵¹Salma, fondator ëd Betlem, Caref, fondatur ëd Bet-Gader. ⁵²Ij fieuj ëd Sobal, fondator ëd Chiriat-Iearìm, a l'ero stait Reaià, la metà dij Manacté, ⁵³e le famije 'd Chiriat-Iearìm: j'Itré, i Puté, ij Sumaté e ij Misraei. Da costi-sì a son rivaje ij Soreatita e j' Estaolita. ⁵⁴Fieuj ëd Salma: Betlem, ij Netofatita, Atròt-Bet-Ioab e la metà dij Manacté, i Sorita; ⁵⁵e le famije djë scriba ch'a stasìo a Iabes: ij Tiraté, ij Simaté e ij Sucaté. Costi a son ij Chenita, dissendenti da Camat, grand dla ca'd Recab.