Salm

149. Canté a Nosgnor na càntica neuva!

Ël Salmista a ciama 'l pòpol a laudé Nosgnor, përché Chiel a l'é giust e a-j dà l'arvangia an sij nimis.

¹Laudé Nosgnor! Canté a Nosgnor na càntica neuva! Laudelo ant la radunansa dij sò divot! ²Che Israel a s'arlegra an sò Creator! Che 'l pòpol ëd Sion a argiojissa an sò Re! ³Ch'a làudo Sò nòm con la dansa! Ch'a canto 'd làude a Chiel con l'acompagnament dij tamburnin e dl'arpa! ⁴Përchè Nosgnor a l'ha gòj 'd Sò pòpol. Chiel a esalta coj ch'a son crasà con la liberassion. ⁵Che ij sò divot as arlegro përchè Nosgnor a l'ha daje l'arvangia! Ch'a crijo 'd gòj ant ij sò let. ⁶Ch'a làudo Nosgnor quand ch'a ten-o an man na spa a doi trancie; ⁷për vendichesse dle nassion e për castighé ij forësté. ⁸A grupo ij sò re con ëd caten-e e ij sò nòbij con ëd such ëd fer. ⁹A dan esecussion al giudissi che ij sò nemis a son ëstàit condanà. Tùit ij Sò fidej a saran vendicà. Laudé Nosgnor!