Gioel 1

Joel 1

• • (1) Paròla 'd Nosgnor ch'a l'é stàita adressà a Gioel, fieul ëd Petuel.

N'invasion ëd aliòstre a l'é na prefigurassion dël Dì dël Signor

• (2) Scoté sòn, grand, sté a sente, tuti vojàutri j'abitant dël paìs! É-lo mai capitaje sòn an vòstra época o dël temp dij vòstri pare?

• (3) Contéjlo ai vòstri fieuj e i vòstri fieuj ai novod, e ij sò fieuj a la generassion ch'a vnirà.

• (4) Lòn che la bòja a l'ha lassà, l'aliòstra a l'ha divoralo! Lòn che l'aliòstra a l'ha lassà, la gata ch'a sàuta a l'ha mangialo! Lòn che la gata a l'ha lassà, la babòja ch'a gava la scòrza a l'ha dvorala!

• (5) Dësvijeve, ciocaton, e pioré! Tuti voi ch'i bèive 'd vin, fé plenta pr' ël vin neuv: av sarà gavà da la boca!

• (6) Përchè un pòpol a l'é aussasse contra mè pais, potent e sensa nàmer; ij sò dent a son dent ëd leon, a l'ha 'd cròch da lionëssa.

• (7) Chiel ëed mia vigna a l'ha fane n desert, barduvù an frise mè fié; chiel a l'ha gavaje la scòrsa a tuti, ij sò branch a son ëvnùit bianch.

Anvit a la plenta

• (8) La vergin vestìa 'd sach a gëmm coma për l'ampromess ëd soa gioventura!

• (9) Oblassion e libassion a son dësparie da la Ca 'd Nosgnor. Lor a son an deul, i sacerdòt servitor dël Signor.

• (10) La campagna a l'ìé vastà, la tèra a l'é an deul. Përchè ij gran a son marodà, ël vin a sà 'd fòrt, l'euli freesch a ven ransi.

• (11) Sìe magonà, vojàutri ch'i travaje, fé plenta vignolant an sël forment e l'òrdi, përchè a l'é andàit përdù l'amson dij camp.

• (12) La vis a l'é sëcca e 'l fié splufrì, pomgranà, palme e pòm, tùit j'erbo dij camp a son sëccasse. Òi, la gòj a l'é pì nen drùa an tra ij fieuj dìom.

• (13) Sacerdòt, vestive 'd sach! Pioré 'd deul! Fé plenta, servitor ëd l'autar! Vnì, passé la neuit vestì 'd sach, servitor ëd Nosgnor! Përchè la Ca 'd Nosgnor a l'é sensa oblassion e libassion.

• (14) Fissé un digiun, publiché na solenità, buteve ansema, ansian'e che tùit j'abitant dël paìs a faso ciambrea ant la Ca d' Nosgnor vòst Dé. Crijé anvers a Nosgnor!

• (15) Ahidemì, che giorna! Coma ch'0a l'é davzin ël Di 'd Nosgnor, a riva parèj d'un ravagi dal Tut-potent.

• (16) Miraco, a l'é pa sparine 'l mangé da sota ij nòstri euj, la goj e l'aregiojissansa dla Ca 'd NBosgnor?

• (17) Ël gran a l'é marsà sota ij vòstri vataron; le grangie a son vastà, ij grané a son veuid pËrchè l'amson a fà difet.

• (18) Coma ch'a crijo le bestie! Jë strop ëd beu as rabasto, përchè a l'han pì nen ëd pasture. Fin-a jë strop ëd feje a van an ruin-a.

• (19) Nosgnor, mi i crijo vers ëd Ti! Përchè 'l feu a l'é mangiasse le pastore dle vàude, la fiama a l'ha consumà tuti j'ërbo dij camp.

• (20) Fin-a le bestie dij camp as slanghisso për ti, përchè le bialere a son sùite, ël feu a l'é mangiasse le pasture dle vàude.

Majo Galin-a, Dzèmber 1988.

https://lumina.bible.org/bible/Joel+1

À à È è É é Ì ì Ò ò Ó ó Ù ù, Ë ë