1 Cronache 12

1 Cronache 12

Prim partisan ëd David, giontasse a chiel al temp che Saul a l'era ancora viv

• (1) Vardé ambelessì coj che a son portasse a Siclagh, antramentre che David a l'era forsà a slontanesse da Saul, fieul ëd Chis.Tuti òm vajant che a l'ero andàit a trovelo, e che a l'han daje agiut ant la guera.

• (2) A andasio armà con j'arch e frande e a savìo tiré'd flecie e campé 'd pere con la drita e con la snistra. A l'ero parent ëd Saul, dla tribù ëd la tribù ëd Beniamin.

• (3) Sò cap a l'era Achieser, e a lo companiava Joais; tuti e doi a l'ero fieuj ëd Semaà 'd Guibà. Chiel a l' avia dcò Jesiel e Pèlet, fieuj d' Asmàvet; Beracà, Jecù, d' Anatòt;

• (4) Ismaià, 'd Gabaon, eròj ëd në strop ëd Tranta e cap dël grup,

• (5) Irmeià, Jacasiel, Jocanan, Josabad, ëd Guederà;

• (6) Elusai, Jerimòt, Bealià, Semariacu e Sefatiacu, l' Arufita;

• (7) Elcanà, Isiacu, Asarel, Joèser e Jaisobam, dël clan ëd Coré;

• (8) Joelà e Zebadià, fieuj ëd Jerocam, ëd Guedor.

• (9) A son dcò passà a David d'òmo 'd Gad e a son giuntasse con chiel an sò arfugi dël desert. A l' ero 'd bon guerié, òm faità a combate , adestrà a lë scu e a la lansa. A smijavo'd leon e corìo tanme ' d gasele an montagna.

• (10) Éser a l'era sò cap; Obadià, lë scond; Eliab ël ters;

• (11) Mismanà, ël quart; Irmeià, ël quint;

• (12) Atai, ël sest; Eliel, ël sétim;

• (13) Jocanan, ch'a fa eut; Elsabad, che a fa neuv;

• (14) Irmeiacu, ch'a fa des, e Macbannai, óndes.

• (15) Costi-sì a l'ero [tuit] dëssendent ëd Gad, cap dl'esércit : ël pì débol a podìa tnì testa a sent; ël pì fòrt a mila.

• (16) A son ëstait coj che a l'han passà'l Giordan ant ël prim meis, ant ël moment che'l livel dël fium a cheurv le rivere, e a l'han taparà via la gent dle valade, tant a levant parej ' d ponent.

• (17) Dcò chèicadun ëd Beniamin e'd Giuda a son andàit a l'arfugi'd David.

• (18) Chiel a l' è surtìje ancontra e a l'ha dije: - Se i seve vnùit da mi an pas, për giuteme, m'unirai 'd cheur con vojàutri; tutun se i seve mach vnùit për tradime e consigneme ant le man dij mè nemis, combin che sì gnun a l'àbia mai fait gnente'd mal, antlora che a vëdda ' l Dé dij nòsti pare e che a në sia giùdes.

• (19) Antlora lë spìrit a l'é posasse su Amassai, cap dla vardia, che a l'ha proclamà : - I soma tò, David, e i stoma con ti, fieul ëd Jessé. Pas! Che la pas a sia con ti; Che la pas a sia dcò con coj che at giuto, përchè ' l tò Dé a l' è da la toa part. David a l'ha arsëivùje e a l'ha faje cap dij partisan che a fasìo ancursion.

• (20) Dcò chëicadun ëd Manasse a l'é passà a David, quand che andasìa con ij Filisté për combate contra'd Saul. Tutun nì David nì sò partisan a son andaje a combate ansema,

• përchè ij cap Filisté a l'avìo dëssidù an ciambreja che a dovìo fè fòra David. A disend : < Se a tornèissa a Saul, sò signor, nojàutri i giontrìo la testa.

• (21) J'òmo'd Manasse che a son butasse con David quand a tornava a Siclagh a l'ero stait : Adna, Josabad, Jediael, Micael, Josabad, Elicù e Siletai, cap rësponsàbij ëd mila òm ant la tribù'd Manasse.

• (22) A son andait a giuté David an soa ancursion, përchè a l' ero tuti guerié vàlid,e a son ëstàit nominà ant ij grad dl' armeja.

• (23 ) Tuti ij di as presentavo d'àutri òmo a David për giutelo, parej che as contava motobin ëd tropa, e'l campament a smijava sensa fin.

Guerié che a l'han antronisà David a Ebron

• (24) Vardé ambelessì ël nùmer dj'òmo armà për fé la guera, che a son giontasse a David a Ebron, për passeje la regalità'd Saul, parej coma che Nosgnor a l'avia comandà.

• (25) Dij dëssendent ëd Giuda, 6800 òmo con ëscù e lansa, echipagià për fé la guera.

• ( 26) Dëssendent ëd Simeon : 7100 vajant për fé la guera.

• (27) Dëssendent ëd Levi, 4600;

• (28) ëd pì, Jecoiadà, cap dla gent d'Aron con 3700, (29) e Sadoch, giovo e valoros, con vintedoi cap dla famija'd so pare.

• (30) Dij Dëssendent ëd Beniamin, gent ëd Saul, 3000. La pì part ëd lor a l'avìa servì e dcò d'ancheuj a servìo la ca'd Saul.

• (31) Dëssendent d'Efraim : 20800 guerié e òm d'arnomansa an soe parentele.

• (32) Dla metà dla tribù'd Manasse, 18000, designà per nòm përchè andèisso a proclamé David Re.

• (33) Dij dëssendent d'Issacar, dosent cap con tuti coj dla midema tribù che as tenìo a sò comand. As tratava'd gent esperta a conòsse j'ocasion pì favorèivole e dësserne le decision da ciapé da part d'Israel.

• (34) Ëd Zabulon, 50000 òmo, adatà për l'armeja, echipagià con tute j'arme e dëspòst a combate.

• (35) Da Neftali, a son rivà mila cap e, con lor, 37000 òm armà con ëscù e lansa.

• (36) Dij Danita, 28600 òmo, an órdin ëd bataja.

• (37) Da Aser: 40000 , pront për l'esércit e a disposission per combate.

• (38) Dle tribù'd Ruben, Gad e dla mesa tribù 'd Manasse, che a stasìo a est dël Giordan, 120000 òm, pront an tut a mné d'arme, n'armeja echipagià al combatiment.

• (39) Tuit costi guerié, për formassion ordinà 'd bataja, a son andàite sensa fàusse antension a Ebron për proclamé David re'd tuta Israel. Dcò tuta la rimanensa dj'Israelita a l'ero d'acòrdi a fé David tanme re .

• (40) A son fermasse ambelelà tre di con David, an mangiand e beivend da già che so compatriòta a l'avìo proveduje 'd tut.

• (41) Nen mach, ma dcò da j'anviron pì davzin, fin-a a Issacar, Zabulon , e Neftali, a l'han faje rivé 'd proviande trasportà con d'aso, gamej, muj e beu, an portand pan e provigion ëd farin-a, panèt ëd fi, uva pàssola, vin, euli, bocin, e cabial cit bondos, përchè Israel a l'era an festa.