Embedded Files
David a Gerusalem ,sò palas e sò fieuj
(1) Chiram re 'd Tir , a l'ha mandà 'd nunsi a David, e dcò bion 'd sitron e picapere e minusié për tiré su un palas .
(2) E David a l'ha capì che Nosgnor a l'avia confirmalo tanme re d'Israel e che sò regn a l'era stait motobin elevà për grinor ëd soa gent d'Israel .
(3) E David a l'é andait a pijé 'd fomne a Gerusalem e a l'é stait pare'd fieuj e fije.
(4) Costi-sì a son ij nòm dle masnà che a l'ero nassuje a Gerusalem: Samua, Sobab, Natan, Salomon,
(5) e Ibar, Elisua, Elpelet,
(6) e Noga, Nefegh, Jafia,
(7) e Elisama, Baliada e Elifelet.
Derota dij Filisté
(8) Ora, ij Filisté a l'avio sentù che David a l'era stait onzù coma re d'Israel, e a son montà tuti për serchelo . David, savulo, a l'é surtije ancontra.
(9) Antlora ij Filisté a son rivà e a son spantiasse ant la comba 'd Refaim .
(10) Antlora David a l'è andait a consulté Nosgnor: monterai-ne mi contra ij Filisté, e ti 't - j faras tombé an mie man? E'l Signor a l' ha rësponduje: "Òi , monta, ch' i farai tombé an toe man.
(11) A son rivà donca, a Bal-Perassim, e ambelelà a son ëstait batù. Antlora David a l'ha dit:"Dé a l' é servisse 'd mi për doverté na chërpura an tra ij mè nemis, parej ëd na brècia duverta për l'eva . Për lòn a l'han ciamà col post Bal-Perassim (che a veul di "padron ëd duverture").
(12)Ij Filisté a l'han chità ambelelì le mistà dij sò dé, e David a l'ha comandà che a fùisso brusà ant ël feu.
(13) Ma torna ij Filistè a son spantiasse për la midema valada.
(14) David a l'é tornà a consulté Dé, e chiel a l'ha rësponduje: Montie pa ancontra. Faje un gir d'antorn e tàchie a le borne dij Moré.
(15) Ant ël moment che it sentiras un tarpignè 'd pe an sle ponte dij Moré [Becaim], lansa l'atach; a sarà 'l segnal che Dé a l'é surtì dëdnans a ti për bate l'armeja dij Filisté.
(16) David a l'é andait a fé coma che Nosgnor a l'avia ordinaje e a l'ha butà an derota l'esercit Filisté da Gabaon fin-a a Geser .
(17) La fama'd David a l'é spantiasse për tuti ij pais e Nosgnor a l'é andait a fé che tute le gent a n'avèisso tëmma.
Page updated
Google Sites
Report abuse