Neemia 1

Neemìa

Vocassion ëd Neemia: soa mission për Giuda

1

1: 1 Paròle 'd Neemìa fieul d'Acalìa. Ant ël meis ëd Chislev, l'ann ch'a fà vint, coma che i -i j'era a Susa, ant la capital, 1:2 A Anani, un dij mè frej, chiel e càich òm ch'a rivo da Giuda: mi i l'hai ciamaje'd neuve ansima ai Giudé che a l' ero scapà e salvasse da la deportassion, e ancora a rësguard ëd Gerusalem. 1:3 Coj-lì a l'han dime: " ij survivù dla përsonìa a son ambelelà, an provinsa, an malora, sagrin e ónta. Le muraje 'd Gerusalem a son s-ciapà e soe pòrte brusà. 1:4 Sentù ste paròle, son sëtame, e son butame a pioré; i l'hai portà 'l deul për vàire di, i l'hai fàit digiun, e i l'hai pregà dëdnans a Nosgnor an disend:

Preghiéra 'd Neemìa (446)

1:5 Antlora i l'hai dit: " Nosgnor, Dé dël cel, grand e afros, ch' it guerne l'aliansa e 'l grinor anvers coj che at veulo bin e che a osservo tò comandament.

1:6 Che toe orije a sio pien-e d'atension, tò euj dovert për scoté la preghiera 'd tò servent; ore, mi i prego dëdnans ëd ti, di e neuit për j'Israelita tò servitor, confëssand ij pecà che noi Israelita i l'oma comëttù contra 'd ti; 'dcò mi e la casà 'd mè pare i l'oma pecà. 1:7 I soma comportasse mal con ti e i l'oma pa guernà ij comand, ij precet e le decision, che ti 't l'has daje a Mosè tò servent. 1:8 Arcòrdte dla paròla che it l'avìe fidà a Mosè tò servitor: Se i sareve pa fedej, mi 'v sbardlerai an tra le gent, 1:9 ma se i tornereve a mi e i osservereve ij mè comandament e i-j seguitereve, 'dcò se i vòstri esilià a dovèisso trovesse a l'estremità dl'archengh, mi da là 'v torneraj a cheuje e 'v portrai torna al leu che i l'hai sernù për feie sté mè nòm. 1:10 Ore, costi-sì a son ij tò servent e toa gent; ti 't l'has redimùje con potensa gròssa e man fòrta. 1:11 Nosgnor che toe orije a sio atente a la preghiera dël tò servitor e a la preghiera dij tò servent, che a veulo mach avèj tëmma 'd tò nòm; concédje d'ancheuj, bon-a riussìa a tò servent e faje trové binvolensa dëdnans a st'òm ".

Mi antlora i j'era 'l meistr da cope dël re.

À à È è É é Ì ì Ò ò Ó ó Ù ù Ë ë