Salm 23

Ij Salm

23. Nosgnor a l’é mè bërgé

Salm ëd Dàvid. ¹Nosgnor a l’é mè bërgé: am fà manché gnente. ²Am men-a a dij pasturagi bondos e am fà andé anté ch’i trovo d’aque chete. ³Am ristòra le fòrse e am men-a për dij senté giust^[1]: Chiel a mancherà mai ‘d paròla^{[2] 4}Bele s’i dovèissa travërsé na val sombra^[3], i l’avrìa gnun-a tëmma, perchè ti të stas sèmper con mi. Toa can-a e tò baston am dan sicurëssa. ⁵Ti t’ëm prontes na festa^[4] pròpe ‘dnans ai mé nemis. Ti t'ëm onze la testa con d’euli përfumà. Mè càles a dësborda. ⁶A l’é sicur: toa benevolensa e toa fidelità am ëvniran sèmper daprèss për tùit ij mè dì e la ca ‘d Nosgnor a sarà mia residensa për sèmper^[5].

Nòte

1. O:“arlòngh senté ‘d giustissia”.

2. Let. “për amor ëd sò nòm”, “soa reputassion a faliss mai”.

3. O “pien-a ‘d perìcoj”.

4. O “la tàula”.

5. “lòn ch’a-i resta ‘d mia vita”.