Salm 85

85

Nosgnor a l’é stàit bondos an sù soa tèra

Ël pòpol ëd Dé as arcòrda coma che Nosgnor a l'ha përdonaje ij pecà ant ël passà, a-j ciama che adess a lo ristabilissa ant ël sò favor e as aspeta 'd neuve benedission.

85:1 Për ël diretor dla mùsica. Scrivù dai Coraita, un salm. Nosgnor! Ti 't l'has vërsà con bondosità toe benedission¹ an sù toa tèra; it l'has fàit torna sté bin Giacòb. 85:2 It l'has përdonà le colpe 'd Tò pòpol, it l'has ëstendù 'n vel² dzura tùit ij sò pecà. [Antërludi]

85:3 It l'has fàit chité³ tuta toa furia; it l'has tratenù toa giusta rabia. 85:4 Adess variss-ne⁴, Nosgnor, nòstr Salvator. Buta da banda toa rabia ancora na vòlta. 85:5 Saras-to sèmper anrabià con nojàutri? Seguiteras-to a esse 'nrabià 'dcò con le generassion ch'a vniran? 85:6 An arnovras-to nen la vita 'ncora na vòlta, parèj che tò pòpol a peussa trové 'n Ti soa gòj? 85:7 Fane vëdde tò amor fedel. Nosgnor! Acòrda-ne la salvëssa!

85:8 I scotrai lòn che Nosgnor a l'ha da dì, përché Nosgnor a farà la pas con sò pòpol fedel, ma falo nen artorné a soa folairà. 85:9 A l'é sicur che la salvëssa a l'é davzina a coj ch'a l'han ëd rispet për Nosgnor, parèj che nòstra tèra a sarà 'mpinìa 'd soa glòria. 85:10 Amor sincer e fidelità a son ancontrasse; la liberassion e la pas a son vnisse 'ncontra a l'han dasse 'n basin. 85:11 La fidelità a chërs da la tèra e la liberassion a varda dal cel.

85:12 Èh, Nosgnor a vërsera con abondansa Soe benedission e nòstra tèra a darà sò mësson. 85:13 La liberassion a marcia dëdnans a Chiel e a-j pronta la strà.

Nòte

1 O "Ij tò favor".

2 O "stërmà".

3 O "it l'has artirà".

4 O "ristabiliss-ne".

https://lumina.bible.org/bible/Psalms+85

http://saintebible.com/psalms/85-1.htm

À à È è É é Ì ì Ò ò Ó ó Ù ù Ë ë