Esdra

2

Lista dij rimpatrià

¹Costi-sì a son ij deportà, originari dla provinsa ‘d Giuda e ch’a son tornà a Gerusalem e ant ël teritòri ‘d Giuda, minca un a soa borgià. Soe famije a j’ero stàite esilià a Babilònia da quand Nabucadnésar, ré ‘d Babilònia, a l’avìa deportaje. ²A son ëvnuje con Zorobabel, Giosué, Nemia, seraia, Relaia, Mardoché, Bilsan Mispar, Bigvai, Recun, Bana.

Costa-sì a l’é la lista dj’òm dël pòpol d’Israel ch’a son tornà da l’esili: ³Dissendent ëd Paros 2172. ⁴Dissendent ëd Sefatia: 372. ⁵Dissendent d’Arach: 775. ⁶Dissendent ëd Pacat-Moab, visadì ij dissendent ëd Giosué e d’Ioab: 2810. ⁷Dissendent d’Elam: 1254. ⁸Dissendent ëd Zatu: 945. ⁹Dissendent ëd Zacai: 760. ¹⁰Dissendent ëd Bani: 642. ¹¹Dissendent ëd Bebai: 623. ¹²Dissendent d’Azgad: 1222. ¹³Dissendent ëd Adonicam: 676. ¹⁴Dissendent ëd Bigvai: 2056. ¹⁵Dissendent d’Adin: 454, ¹⁶Dissendent d’Ater, visadì d’Esechìa: 98. ¹⁷Dissendent ëd Besai: 323. ¹⁸Dissendent d’Iora: 112. ¹⁹Dissendent ëd Casum: 223. ²⁰Dissendent ëd Ghibar: 95. ²¹Dissendent ëd Betlem: 123. ²²Originari ‘d Netfa: 56. ²³Originari d’Anatot: 128. ²⁴Gent dla famija d’Azmavet: 42. ²⁵Gent dla famija ‘d Chiriat-Iearim: ëd Chefira e ‘d Berot: 743. ²⁶Gent ëd Rama e ‘d Gheba: 621. ²⁷Gent ëd Micmas: 122. ²⁸Gent ëd Betel e Ai: 223. ²⁹Dissendent ëd Nebo: 52. ³⁰Dissendent ëd Magbis: 156. ³¹Dissendent ëd n’àutr Elam: 1254. ³²Dissendent ëd Carim 320. ³³Dissendent ëd Lod, Cadid e Ono: 725. ³⁴ Dissendent ëd Gérich: 345. ³⁵Dissendent ëd Sena: 3630.

³⁶Ij sacerdòt: dissendent d’Iedaia, visadì la famija ‘d Giosué: 973. ³⁷Dissendent d’Imer: 1052. ³⁸Dissendent ëd Pasesur: 1247. ³⁹Dissendent ëd Carim: 1017. ⁴⁰Dissendent ëd Giosué e Camiel, fieul ëd Codavia: 74.

⁴¹Ij cantor: dissendent d’Asaf: 128.

⁴²Dissendent dij portié: dissendent ëd Salum, dissendent d’Ater, dissendent ëd Talmon, dissendent d’Acub, dissendent ëd Catita, dissendent ëd Sobai, ant tut 139.

⁴³Ij sërvitor dël Templ: dissendent ëd Sina, d’Asufa, ëd Tabaot, ⁴⁴ëd Cheros, Sia, ëd Padon, ⁴⁵Lebana, Cagaba, acub, ⁴⁶Agab, Samlai, Canan, ⁴⁷Ghidel, Gacar, Reaia, ⁴⁸Resin, Necoda, Gasam, ⁴⁹Usa, Peseach, Besai, ⁵⁰Asna, Meunim, Nefussim, ⁵¹Babuch, Cacufa, Carur, ⁵²Baslut, Mechida, Carsa, ⁵³Barcos, Sisra, Temach, ⁵⁴dissendent ëd Nesiach, dissendent ëd Catifa.

⁵⁵Ij dissendent dij servitor ëd Salomon: dissedent ëd Sotai, d’Assofere, ëd Peruda, ⁵⁶Ialà, Darcon, Ghidel, ⁵⁷Sefatia, Catil, e ij dissendent ëd Pocheret, Asebaim, fieuj d’Ami. ⁵⁸Tùit ij servitor dël Templ e ij dissendent dij servitor ëd Salomon, an tut 392.

⁵⁹Costi-sì a son tornà an patria da Tel-Melach, Tel-Carsa, Cherub-Adan, Imer, ch’a podìo nen dimostré se soa famija e soa dissendensa a fusso d’Israel: ⁶⁰dissendent ëd Delada, dissendent ëd Tobìa, dissendent ëd Necodà: 642.

⁶¹Costi-sì tra ij sacerdòt: dissendent ëd Cobaìa, acoz, e ‘d Barzilai, col ch’a l’era mariasse con un-a dle fije ‘d Barzilai ël Galadita e a l’avìa pijàit sò nòm, ⁶²a l’han sërcà sò registr genealògich, ma a l’han pa trovalo; donca a son ëstàit fòra dël sacerdossi. ⁶³Ël governator a l’ha comandaje ch’a mangèisso nen le ròbe santissime fin al moment ch’a fussa presentasse un saxerdòt con l’Urim e Tummim.

⁶⁴Tuta la comunità assemblà përparèj a l’era ‘d 42.360 përson-e; ⁶⁵peuj a-i era ‘dcò ij sò sërvent e soe servente: costi-sì a j’ero 7.337; peui a j’era ij cantor e le cantarin-e: 200.

⁶⁶Ij sò cavaj: 736: ij sò muj: 245; ⁶⁷ij sò gamèj: 435; ij sò aso: 6.720.

⁶⁸Un quai cap ëd famija rivà al templ ch’a l’é a Gerusalem, a l’ha fàit d’oferte volontarie pr’ ël templ përchè ch’a fussa torna con a dovìa esse. ⁶⁹Conform a soe possibilità a l’han dàit ël tesòr ëd la fabrica: òr 61.000 drame; argent: 5000 min-e; e ancora sent veste da sacerdòt. ⁷⁰Peuj ij sacerdòt, ij levita, quaidun dël pòpol, ij cantor, ij portié e ij sërvitor dël Templ a son ëstabilisse ant le soe borgià parèj coma tuti j’Israelita.