Ij Salm[modifiché la sorgiss]

114. Quand che Israel a l'ha chità l'Egit

Ël Salmista a 'rciama a la memòria ij fàit dla surtìa da l'Egit e dla conquista e a selebra la sovranità 'd Nosgnor an su sò pòpol, ligà a Chiel con un pat.

¹Quand che Israel a l'ha chità l'Egit, quand che la famija 'd Giacòb a l'ha lassasse darera na nassion forësta, ²Giuda a l'é dventà Sò santuari, Israel Sò regn. ³Ël mar a l'ha vardà e a l'é scapà e 'l fium Giordan a l'é tornà 'ndarera. ⁴Le montagne a sautavo coma 'd moton e le colin-e tanme d' bèro. ⁵Përchè scapes-tu, ò mar? Përché tornes-tu 'ndarera, ò fium? ⁶Përchè sauteve-ne coma 'd moton, ò montagne, tanme 'd bèro ò colin-e? ⁷Tërmola, ò tèra, dëdnans a Nosgnor - dëdnans al Dé 'd Giacòb, ⁷ch'a l'ha cambià na ròca ant na gòja d'eva, na dura ròca ant na sorgiss d'eva.