1 Crònache]

4

Sconda lista dij dissendent ëd Giuda

¹Fieuj ëd Giuda: Peres, Chesron, Carmì, Cur e Sobal. ²Reaià, fieul ëd Sobal, a l'ha generà Iacat; Iacat a l'ha generà Acumài e Laad. Coste-sì a son le famije dij Soreatita.

³Izrel, Isma e Idbas a l’han dàit origin a la populassion d’Etam. Soa seur as ciamava Aslelponì. ⁴Penuèl a l'era stait pare'd Ghedor; Ezer a l'é stait pare'd Cusa. Costi-sì a son ij fieuj ëd Cur, ël prim nà d' Èfrata, fondator ëd Betlem. ⁵Ascur, fondator ëd Tekòa, a l'avìa doe fomne: Chelea e Narà. ⁶Narà a l'ha partorije Acusàm, Chefer, ël Temanita e l'Acastarita; costi-sì a l'ero stait ij fieuj ëd Narà. ⁷Fieuj ëd Chelea: Seret, Socar, Etnan e Cos. ⁸Cos a l'ha generà Anub, Assobebà e le famije d' Acarchèl, fieul d'Arum. ⁹Iabes a l'era stait pì onorà dij sò frej ; soa mare l'avia ciamalo Iabes përch'a disìa: «Mi i l'hai partorilo con dolor». ¹⁰Iabes a l'ha invocà 'l Dé d'Israel an disend: «Se ti mach t'im benedisèisse e të slarghèisse mie borne e toa man a fùissa con mi e se t'im guernèisse leugn dal mal ëd manera che i l'abia pa da seufre!». Dé a l'ha conseduje lòn ch'a l'avìa ciamà.

¹¹Chelub, frel ëd Suca, a l'ha generà Mechir, ch'a l'é stait pare d' Eston. ¹²Eston a l'ha generà Bet-Rafa, Paseach e Techinà, fondator dl’a sità d' Ir-Nacas. Costi-sì a son j'òm ëd Reca. ¹³Fieuj ëd Chenas: Otnièl e Seraià; fieuj d' Otnièl: Catat e Meonotài. ⁴Meonotài a l'ha generà Ofra; Seraià : Ioab, pare 'd coj ch'a stan ant la comba dj' Artesan, përch'a l'ero d’artesan. ¹⁵Fieuj ëd Caleb, fieul ëd Iefunè: Ir, Ela e Nam. Fieuj d' Ela: Chenas. ¹⁶Fieuj ëd Iealelèl: Zif, Zifa, Tirià e Asarèl. ¹⁷Fieuj d' Esdra: Ieter, Mered, Efer e Ialon. Chila a l'ha consepì Miriam, Samài e Isbach, pare d' Estemòa. ¹⁸Soa fomna, la Giudea, a l'avia generà Iered, fondator ëd Ghedor, Cheber, fondator ëd Soco, e Iecutièl, fondator ëd Zanòach. Costi a son ij fieuj ëd Bitià, fija dël faraon, che Mered a l'avia marià. ¹⁹Fieuj dela fomna d' Odia, seur ëd Nacam, pare 'd Cheila ël Garmita e d' Estemòa 'l Macatita. ²⁰Fieuj ëd Simon: Amon, Rina, Ben-Canan e Tilon. Fieuj d' Isì: Zochet e Ben-Zochet. ²¹Fieuj ëd Sela, fieul ëd Giuda: Er, fondator ëd Leca, Lada, fondator ëd Maresà, e le famije 'd coj ch'a travajo stòfe'd lin fin a Bet-Asbèa, ²²Iochim, la gent ëd Cosebà, Ioas e Saraf, ch'a l'avìo dominà an Moab e peui a son tornà a Betlem. Ma a l'é stòria motobin veja. ²³A l'ero tupiné e a stasìo a Netaìm e a Ghederà; a l'avìo la ca ambelelà con ël rè, a sò servissi.

Ij dissendent ëd Simeon

²⁴Fieuj ëd Simeon: Nemuèl, Iamin, Iarib, Zerach, Saul, ²⁵peui Salum,peui Mibsam, peui Misma. ²⁶Fieuj ëd Misma: Camuèl, peui Zacur, peui Simei. ²⁷Simei a l'avia avù sëddes fieuj e ses fije, ma i sò frej a l'han pa avù vàire fieuj: tute soe famijie a son nen staite 'd bon nùmer parej dla nassion ëd Giuda. ²⁸A son andait a sté a Bersabea, a Moladà, a Casar-Sual, ²⁹a Bila, a Esem, a Tolad, ³⁰a Betuèl, a Corma, a Siclag, ³¹a Bet-Marcabòt, a Casar-Susìm, a Bet-Birì e a Saaràim. Coste-sì a l'ero staite soe sità fin-a al temp che David a l'é stait rè. ³²Sò pais a l'ero Etam, Ain, Rimmon, Tochen e Asan: sinch sità. ³³e tuti ij pais che as trovavo d'antorn a coste sità fin-a a Bal.

Coste a l' ero soe ca e costi-sì ij nòm dle famije ant ij regìster: ³⁴Mesobàb, Iamlech, Iosa, fieul d' Amasia. ³⁵Gioel, Ieu, fieul di Iosibia, fieul ëd Seraià, fieul d' Asièl, ³⁶Elioenài, Iakòba, Iesocaià, Asaià, Adièl, Iesimièl, Benaià, ³⁷Zisa, fieul ëd Sifì, fieul d' Alon, fieul ëd Iedaià, fieul ëd Simrì, fieul ëd Semaià: ³⁸costi-sì, nominà për nòm, a l'ero cap ëd soe famije; e le ca dij grand a son spantiasse motobin. ³⁹A l'ero andàit anvers l'intrada da la part ëd Ghedor fin-a a levant ëd la comba për sbergiairé sò strop. ⁴⁰A l'han trovà pasture drùe e grasse e un pais slargà, an flòris e pasi përchè anans a l'ero staje ij bérber dissendent ëd Cam. ⁴¹Ma j'òm iscrivù për sò nòm, al temp d'Esechìa, rè ‘d Giuda, a l'han daje 'l gir a le tende dij Maonita, ch’a stasìo ambelelà; a l'han dësblaje a la manera dl'interdission, fin-a 'l di d'ancheuj e a son ëstabilisse a sò pòst përchè ij leu a l'ero'd bon-a pastura për le feje. ⁴²E sinch-sent òmo an tra 'd lor, dla rassa 'd Simeon a son andait a sté an sle montagne 'd Seir e lor a l'avìo për cap Pelatia, Nearia, Refaià e Usièl, fieuj d'Isì. ⁴³A l'han sterminà ij survivù dj'Amalecita e a stan ambelelà dcò al di d'ancheuj.