Salm 125

125. Coj ch'as fido ‘d Nosgnor

Lë scritor a fortiss soa fiusa ant la protession e la giustissia 'd Nosgnor.

125:1 Càntich ëd pelerinagi. Coj ch'as fido ‘d Nosgnor a son tanme 'l mont Sion, ch'a peul nen esse dësbogià e ch'a l'é fiss e frem për sèmper. 125:2 Pròpi coma le montagne a stan tut d'antorn a Gerusalem, parèj Nosgnor a sta tut d'antorn a sò pòpol për guernelo ora e për tùit ij sécoj. 125:3 Ij nemis¹ ëd Nosgnor a podran nen impon-e soa dominassion an sla tèra santa², përchè antlora ij giust a podrìo esse tentà 'd fé 'l mal. 123:4 Nosgnor! Fà dël bin ai binfasent e a j'onest, 123:5 ma bandiss coj ch'a viro për andé an sù 'd senté stòrt. Nosgnor! Mandje via ansema a tùit ij malfasent. Pas a Israel!

Nòte

1Let. "La cavija (regal) dij malign".

2O "la tèra che Nosgnor a l'ha dàita an ardità a sò pòpol".