Ij nùmer

2

Disposission dij campament

¹Nosgnor a l’ha ancora parlaje a Mosè e a Aron. A l’ha dije: ²“J’Israelita a l’han da campesse antorn a la Tenda dël Rëscontr, ma a na certa distansa, mincadun press a sò drapò sota j’ansegne dle soe famije paterne. ³A levant, anvers orient, as acamprà l’ansegna dël camp ëd Giuda, dëstribuì për batajon. A saran comandà da Nacson, fieul d'Aminadab.. ⁴Sò contingent a conta 74.600 censì.

⁵Aranda 'd chiel as acamperan coj dla tribù d'Issacar, comandà da Natanael fieul ëd Suar. ⁶Sò contingent a conta 57.400 censì. ⁷Peui la tribù ‘d Zabulon, comandà da Eliab fieul d’Elon. ⁸Sò contingent a l’é ‘d 57.400 censì. ⁹Ij censì dël camp ëd Giuda, dividù an soe unità a fan un total ëd 186.400 òm. Lor a dovertran la marcia.

¹⁰A meridion a butran camp coj dl'ansëgna dël camp ëd Ruben, con soe bande. Sò cap a sarà Elisor, fieul ëd Sedeur, ¹¹sò camp a l'è 'd 46.500 òm. ¹²Dacant a chiel as acamperan la tribù ‘d Simeon, comandà da Selumiel, fieul ëd Sorisadai. ¹³Sò contingent a l’é ‘d 59.300 anregistrà. ¹⁴Peui la tribù ‘d Gad, comandà da Eliasaf, fieul ëd Reuel. ¹⁵Soa formassion a l’é ‘d 45.650 anregistrà. ¹⁶Ël total dle tre unità dl'esèrcit dël campament ëd Ruben a l'é 'd 151.450 òm, distribuì për batajon. Andran an sconda posission durant ch’as marcia. ¹⁷Apress arpijeran a marcé ij Levita con la Tenda dël Rëscontr, an mes dj' àutr campament. A seguiran l'órdin ëd campament. Mincadun a ocuparà ël leugh che a-i corispond a lë svantajé dël sò drapò.

¹⁸Da la part ëd ponent a s'acampran coj dël campament d'Efraïm, distribuì për batajon, conform soe armeje. A saran comandà për Elisama, fieul d'Amiud. ¹⁹Ël sò camp d'armeja a conta 40.500 òm. ²⁰Aranda a s'acampran: La tribù de Manasse, capitanà për Gamliel, fieul ëd Pedasur. ²¹Sò contgingent a conta 32.200 òm. ²²E la tribù ëd Beniamin, comandà da Abidan, ben Ghidegnoni. ²³Sò contingent a conta 35.400 òm. ²⁴An total, dividù ant j'armeje dl'esercit dël campament d'Efraïm a son 108.100 òm, distribuì për batajon. Lor a marceran për ters durant la marcia.

²⁵A la part dël nòrd acamparan ël drapò dël campament 'ëd Dan, distribuì për batajon. A saran comandà da Achieser, fieul d'Amisadai. ²⁶Sò contingent a conta 62.700 òm. ²⁷Tacà as camparan: La tribù d'Aser, comandà për Peghiel ben Ocran. ²⁸Sò contingent a l’é ‘d 41.500 òm. ²⁹La tribù 'd Neftali, guidà da Achira, fieul d'Enan. ³⁰Sò contingent a conta 53.400 òm. ³¹Ël total dl'armeja dël campament ëd Dan a l'é 'd 157.600 òm. Lor a saran j'ùltim e a marceran darera tùit j'àutri con ij sò drapò.

³²Cost ël rësultà dël censiment dj' Israelita për casà. Ël total dj' efetiv an sò campament, distribuì an batajon, a l'era 'd 603.550 òm. ³³Tutun coj dla tribù 'd Levi a son pa da censì con j'autri fieuj d' Israel, coma che Nosgnor avìa ordinà a Mosè. ³⁴J’Israelita a l’han compì precis tut lòn che Nosgnor a l'avìa comandaje a Mosè. Minca tribù a butava camp sota sò stendard e as butava an marcia për famije e casà.