Ij nùmer

1

Recensiment ai temp d'Aron e Mosé

¹Nosgnor a l'ha parlaje a Mosé ant la Tenda dla Radunansa ant ël Desert dël Sinai 'l prim di dlë scond meis dlë scond ani dòp che j'Israelita a l'ero surtì da l'Egit. Chiel a l'ha dit: ¹"Fé 'l cont ëd tuta la ciambreja dij fieuj d'Israel, conform a soe famije, a le casà dij sò cé, an seguitand ël nùmer ëd tùit ij mas-cc, për testa. ³Ti e Aron i-j fareve 'l cont conform a soe division da vint ani an su, tùit coj d'Israel che a peulo andé a la guera. ⁴A-i saran con vojàutri ij prinsi 'd tribù e 'd casà conform soe famije.

Ij censì

⁵Costi-sì a son ij nòm dj'òm che 'v giutran. Për la tribù 'd Ruben: Elisur fieul ëd Sedéur. ⁶Ëd Simeon: Selumiel fieul ëd Surissadai; ⁷ëd Giuda: Nasson, fieul d'Aminadab; ¹⁸d'Issacar: Natanael, fieul ëd Suar; ⁹ëd Zabulon: Eliab, fieul d'Elon; ¹⁰dij fieuj ëd Giusep për ël branch d'Efraim: Elisama, fieul d'Amiud; travers Manasse: Gamaliel, fieul ëd Fadasur; ¹¹ëd Beniamin: Abidan, fieul ëd Ghideoni; ¹²ëd Dan: Achieser, fieul d'Amisadai; ¹³d'Aser: Paghiel, fieul d'Ocran; ¹⁴ëd Gad: Eliasaf, fieul ëd Duel; ¹⁵ëd Neftali: Ahira, fieul d'Enan".

¹⁶Costi-sì a son j'òm sernù ant la comunità. A l'ero tute person-e dle pì autorèivole an minca tribù e cap ëd milen-e d'Israel.

¹⁷Për lòn Mosè e Aron a son piasse con lor sta gent designà për nòm. ¹⁸E ant ël prim di dlë scond mèis, convocà tute le cheilà^[1], a l'han fane 'l censiment për famija, conform le casà dij pare, an contand tuta la gent da vint'ani an sù, un-a për un-a, ¹⁹coma che Nosgnor a l'avìa comandaje a Mosé, parèj chiel a l'ha censije ant ël desert dël Sinai.

²⁰An tra ij fieuj 'd Ruben, primnassù d'Israel, conform soe famije e soe casà da part ëd pare, tùi contà për nòm, un për un, tùi mas-cc, da vint ann an su, tuti coj che a podìo andé a la guera, ²¹a son stane anoverà, dla tribù 'd Ruben, 46.500.

²²An tra ij fieuj 'd Simeon, conform soe famije e soe casà da part ëd pare, tùi contà për nòm, un për un, tùi mas-cc, da vint ann an su, tuti coj che a podìo andé a la guera, ²³a son stane anoverà, dla tribù 'd Simeon, 59.300.

²⁴An tra ij fieuj 'd Gad, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ²⁵a son stane anoverà, dla tribù 'd Gad, 45.650.

²⁶An tra ij fieuj 'd Giuda, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ²⁷a son stane anoverà, dla tribù 'd Giuda, 74.600.

²⁸An tra ij fieuj 'd Issacar, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ²⁹a son stane anoverà, dla tribù 'd Issacar, 54.400.

³⁰An tra ij fieuj 'd Zabulon, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ³¹a son stane anoverà, dla tribù 'd Zabulon, 57.400.

³²An tra ij fieuj 'd Giusep, e visadì, dël branch d'Efraim, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ³³a son stane anoverà, dla tribù d'Efraim, 40.500. ³⁴E dal branch ëd Manasse, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ³⁵a son stane anoverà, dla tribù 'd Manasse, 32.200.

³⁶An tra ij fieuj 'd Beniamin, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ³⁷a son stane anoverà, dla tribù 'd Beniamin, 35.400.

³⁸An tra ij fieuj 'd Dan, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ³⁹a son stane anoverà, dla tribù 'd Dan, 62.700.

⁴⁰An tra ij fieuj d'Aser, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ⁴¹a son stane anoverà, dla tribù d'Aser, 41.500.

⁴²An tra ij fieuj 'd Neftali, conform soe famije e soe casà da part ëd pare, tùi contà për nòm, da vint ann an su, tùit coj che a podìo andé a la guera, ⁴³a son stane anoverà, dla tribù 'd Neftali, 53.400.

⁴⁴Costi-si a son che a son ëstàit censì da Mosè e Aron, ansema ai dódes cap d'Israel, un për casà dij cé. ⁴⁵Parèj che tui i fieuj d'Israel, dont a l'era fasse 'l censiment, conform a soe casà dij cé, da l'età 'd vint ann an su, visadì tui j'òm che n'Israel a podìo andé an guera, tui coj che a l'ero stàit censì, ⁴⁶a son stàit an tut 603.550.

Statù dij Levita[modifiché]

⁴⁷Ma an tra ij Levita a l'é pa stàit fàit ël censiment ëd soa tribù, ⁴⁸Nosgnor a l'ha dije a Mosè: ⁴⁹Dla tribù 'd Levi it faras pa 'l censiment, e'l total it lo giunteras pa a tui j'Israelita; ⁵⁰ma it-j daras al Levita 'l soèn dël Tabernàcol dla Testimoniansa, dij tui ij sò asi e utiss, che a sia portà ant ël Tabernàcol con tui ij sò furniment, a në soagno 'l servissi e a buto camp d'antorn dla Ca^[2]. ⁵¹Ant ël moment che 'l Tabernàcol a dovrà parte, i Levita a lo dësmontran; parèj 'dcò quand che la Ca dël Signor a dovrà buté camp, a saran ij Levita ch'a lo monteran torna: se cheidun dë strangé a dovèissa avzinesse, che a sia butà a mòrt.

⁵²Ij fieuj d'Israel a pianteran soe tende mincadun an sò campament e davzin sò drapò^[3], schiera për schiera. ⁵³Ma ij Levita a pianteran le tende d'antorn ëd la Ca^[2]dla Testimoniansa; përparèj che mia flin-a a s'anvischerà pa contra dla comunità dj'Israelita. Ij Levita a l'avran soèn ëd l' Abitassion^[2].

⁵⁴E ij fieuj d'Israel a son confirmasse an tut, parèj com ël Signor a l'avìa comandaje a Mosè e përparèj a l'han fàit.

Nòte

• 1. ↑ O "ciambreja".

  2. ↑ ^{Sauté a:2.0 2.1 2.2} o Tabernàcol.

  3. ↑ Visadì: "ansëgna".