Os Estados do mundo e as súas relacións
Na actualidade existen máis de 200 países entre os que se establecen complexas relacións políticas e económicas.
Ámbito político
As relacións internacionais actuais teñen as seguintes características:
· A soidade dos Estados Unidos, como única gran potencia militar, cada vez con menos capacidade para dirixir un espazo político mundial de enorme complexidade. Por esta razón, hoxe téndese ao multilateralismo, baseado no establecemento de acordos entre diversas potencias políticas.
· A irrupción no panorama político de Estados que acolleron o islamismo como guía política. Estes países, como Irán, inclináronse por unha ruptura violenta co que se considera occidental.
· O protagonismo da China, cunha economía moi competitiva e un crecente poder militar, o que ocasiona inquietude e esixe a toma de acordos.
Ámbito económico
No ámbito económico, o centro do mundo constitúeo Norteamérica (Canadá e Estados Unidos), Xapón e a Unión Europea. Son os países ricos, que se viron favorecidos polo sistema capitalista. Os demais países dividíronse en dous grupos:
· Países en desenvolvemento, que son rexións economicamente moi activas, con vantaxes interesantes para a implantación de empresas estranxeiras: man de obra preparada ou barata, escasas normativas ambientais e gobernos fortes. É o caso de países como China, India e Corea do Sur.
· Países pobres, localizados, sobre todo, na África Subsahariana, onde os países ricos explotan os seus recursos naturais e mesmo apoian a gobernos corruptos, favorables aos seus intereses. Parte da súa poboación opta por emigrar.
A este grupo tamén pertencen os "países esquecidos", carentes de recursos e sumidos en guerras tribais interminables.