A invasión de Polonia

Ao finalizar a Gran Guerra, Danzig converteurse na capital dun pequeno Estado situado entre Prusia oriental e o corredor de territorios a través dos cales Polonia tiña saída ao mar. Teoricamente, estaba administrado pola Sociedade de Nacións, aínda que na práctica estaba controlado por Polonia. A poboación de Danzig era maioritaramente alemana ( 75%), e a partir do ano 1937 o partido nazi local gañou as eleccións e estableceu un réxime totalitario e filoalemán.

O programa de expansión de Hitler esixía a volta de Danzig e a entrega dun corredor a través do territorio polaco ata a cidade. A negativa do goberno polaco provocou que as tropas alemanas invadisen Polonia o 1 de Setembro do ano 1939. O 18 de setembro, pola súa banda, os soviéticos ocuparon os territorios que se lles atribuían polo Pacto xermano-soviético de non agresión (agosto de 1939).