Localización e evolución artística
Tendo como xénese a Illa de Francia (París e os seus arredores), a arte gótica estendeuse pola Europa occidental, tanto continental como insular, sendo asimilada e adaptada en graos variables por cada país.
Aínda que en liñas xerais a arte gótica queda fixada entre mediados do século XII e as primeiras décadas do século XVI, é preciso sinalar que en Italia, a principios do século XV e durante os primeiros anos do século XVI, o Gótico foi substituído polo Renacemento, mentres que en Inglaterra, España e Portugal, a tradición gótica continuou ao longo do século XV e durante os primeiros anos do século XVI.
Xeralmente, os historiadores dividen a evolución cronolóxica da arquitectura gótica en tres grandes ciclos:
a) Período inicial (segunda metade do século XII e século XIII), no que, partindo de modelos románicos, rexístranse os avances cara a unha configuración das novas formas góticas.
b) Período clásico ou de plenitude (séculos XIII e XIV), considerado a etapa clásica e de expansión de ditas formas.
c) Período final ou flamíxero (século XV e comezos do XVI), no que se perde a harmonía formal da etapa anterior, substituíndoa por unha exuberancia ornamental.
Gótico inicial
2ª metade s. XII
Notre Dame (París)
Gótico clásico
século XIII
Gótico radiante
Finais do s. XIII e s. XIV
Capela de Sainte Chapelle (París)
Catedral de Reims
Gótico flamíxero
Século XV