Escultura
A escultura italiana foi evolucionando de xeito paulatino inspirándose sempre nos modelos clásicos. Se durante o Trecento (século XIV) as capitais da arte foron as cidades toscanas de Siena ou Pisa, durante o Quattrocentoo centro artístico trasladouse a Florencia, a capital da mesma rexión.
O primeiro exemplo de escultura renacentista é a " porta do Paraíso" do baptisterio de Florencia, obra de Ghiberti, na que esculpiu as escenas aplicando a perspectiva xeométrica que tamén utilizarían os pintores, xogando habilmente coa gradación dos relevos.
Desde un punto de vista formal, a escultura renacentista caracterízase :
Inspiración en modelos clásicos: proporcionalidade, retomando o canon de nove cabezas utilizado durante o final do período clásico grego, e o contraposto e as pernas abertas en compás.
Independencia da arquitectura.
Recuperación do desnudo.
Recuperación da técnica do baleirado en bronce
Recuperación dos monumentos ecuestres
Marcado naturalismo: estudo das proporcións e da anatomía do corpo humano
Predominio das liñas curvas
Esculturas para espazos públicos.
Desenvolvemento do volume en tres dimensións. Aplicación das leis da perspectiva renacentista.
Liberdade temática: mitolóxica, relixiosa do Antigo Testamento e retratos.
Laicismo en canto que os temas relixiosos están tratados fóra do contexto da Igrexa e desde os valores persoais dos personaxes representados, por exemplo, o David.
A finais de século as representacións escultóricas adquiriron maior movemento e expresividade.
Materias empregados: mármore, bronce, a madeira, a pedra, o xeso e a terracota vidrada e policromada.
A escultura do século XVI continuou coa liña clásica do Quattrocento, interesándose principalmente polo naturalismo e polo home, cunha clara tendencia ao monumentalismo. Ademais, tamén se aprecia un predominio das liñas curvas, que nos lembra a escultura grega e a utilización da forma serpentinata que reforza o seu dinamismo.
Outra característica que definiu a escultura do Cinquecento foi a afirmación de Michelangelo acerca da execución da obra. Segundo o xenio florentino, a escultura realizábase "per forza di levare" (a forza de sacar), o que presupón usar un só bloque de material, pois afirmaba que a escultura xa estaba no bloque de mármore e, que o único que tiña que facer o escultor, era quitarlle o que sobraba.
Defendía a preeminencia dun punto de vista único: o frontal.
Os manieristas, pola contra, e en especial Giambologna, defenderon a utilización de varios bloques e o que se veu chamar multifacialidade, é dicir, múltiplos puntos de vista óptimos.
Benvenuto Cellini defendía que a escultura era sete veces mellor que a pintura porque tiña oito puntos de vista fronte ao único da pintura. A iso hai que engadir que o canon se alonga e as figuras se retorcen sobre si mesmas, creando unha forma serpentinata ou helicoidal.
Lorenzo Ghiberti: Porta do Paraíso (1425-1452), Florencia. É a terceira porta do Baptisterio e consta de dúas follas de bronce con dez escenas de baixorrelevo con temas do Antigo Testamento.
Adán e Eva Caín e Abel
Giambologna: O rapto das Sabinas (1583), Logia da Signoria, Florencia. Resume a maneira artística dos escultores manieristas caracterizada pola estrutura "serpentinata" e a vontade de captar o movemento multidireccional.