2. A Unión Europea
OBXECTIVOS DA UNIÓN EUROPEA
O impulso do progreso económico e social.
A afirmación da identidade europea
A implantación dunha cidadanía europea.
O desenvolvemento dun espazo de liberdade, seguridade e xustiza.
O mantemento e o desenvolvemento do sentido comunitario.
A Unión Europea e a heteroxeneidade
É un conxunto heteroxéneo de Estados. Esta heteroxeneidade maniféstase nos seus niveis de desenvolvemento como a súa diversidade cultural.
Polo tanto os seus retos son:
Reducir as disparidades rexionais
Respectar as peculiaridades nacionais para que ningún país vexa ameazad a súa identidade.
Unha política rexional solidaria
A política económica rexional debe correxir os desequilibrios dentro da UE, a través do desenvolvemento dos fondos estruturais e dos fondos de cohesión, partidas do orzamento europeo que se destinan aos seguintes fins:
A concesións de préstamos para realizar investimentos nas rexións máis pobres.
A creación de infraestruturas de transporte e de subministración de enerxía.
A realización de obras públicas.
O desenvolvemento de políticas comúns nos ámbitos cultural, educativo, da problemática xuvenil...
A creación de postos de traballo
A concesión de préstamos e subvencións para axudar a manter os sectores agrícola e pesqueiro comunitarios.
A ampliación da Unión Europea
A incorporación de novos membros á UE en 2004 e 2007 agravou os desequilibrios internos, xa que o nivel de desenvolvemento dos países de Europa do leste é significativamente menor.
A dita situación obriga a destinar unha porcentaxe substancial de fondos da UE a corrixir ou paliar as desigualdades.